Sunday, December 4, 2011

"Үүрийн гэгээ" киноны тойм шүүмж

Twilight-saga-breaking-dawn-3
Стивен Мейр-ийн "Харуй бүрий" цуврал бүтээлийн "Үүрийн гэгээ" номыг Билл Кондон дэлгэцийн бүтээл болгон амилууллаа.Кино нийт 117 минут үргэлжлэх бөгөөд Тайлор Лютер /Жейкоб/, Роберт Паттенсон /Эдвард/, Кристен Стеварт /Белла/ нар гол дүрүүдийг бүтээсэн ба өмнөх цуврал ангиудын бүрэлдэхүүнээр тоглосон байна.
Кино Беллагийн хуримын урилгыг найз нөхөд,гэр бүлийнхэн нь хэрхэн хүлээж авч буйгаар эхлэх бөгөөд Бразилийн Элис арал дээр бал сараа тэмдэглэж байсан Белла жирэмсэлсэнээр киноны өрнөл хэсэг эхлэнэ.Киноны хамгийн сонирхол татсан хэсэг бол Жэйкоб,Белла Эдвард хоёрын охин болох Рэнесмее-г "тамга"-лан сүй тавьж буй хэсэг байлаа.

"Үүрийн гэгээ" анги нь өмнөх цувралуудаа бодвол илүү харанхуй талдаа болсон нь үзэгчидийг "Харуй бүрий" киноны бодлыг өөрчилж чадсан.
Үзэгдэлүүдийг хооронд нь холбож байсан аянууд киног үнэхээр гайхалтай болгож байсан бөгөөд "Цөөвөр чоно","Сохор тал","Уншсаныхаа дараа шатаа" зэрэг киноны дууны найруулагчаар ажилласан Картер Бурвелл ажилласан нь киног амилуулж өгсөн бүтээлчидийн нэг байлаа.
Сүүлийн хэдэн жил 3D кино руу хошуурах болсонч "Үүрийн гэгээ" кино энэ байдлыг эвдэж чадсан цөөн кинонуудын нэг юм.Хуучин нь шинийгээ хүлээн зөвшөөрч,шинэ нь хуучнаа "сонгодог" нь хүний нийгэмд мэдээлэл,технологийн энэ зуунд сонгодог аргаар кино бүтээсэн үзэгчидэд илүү хүрсэн нь танхимд үзэж бйагаа хүмүүсийн сэтгэл хөдлөлөөс харж болох байлаа.

Бүх цувралуудын туршид үзэгчидийн хүлээж байсан зүйл бол Эдвэрд,Белла хоёр ер нь гэрлэхнэ үү үгүй юу,гэсэн асуултын хариултыг өгч чадсан боловч Белла жирэмсэн болсон нь гэнэтийн зүйл байлаа.Эсвэл өмнө нь хүн цус сорогч хоёроос хүүхэдтэй болдог кино үзэж байгаагүй болоод ч тэрүү.
Үзэгчидийг уйдаахгүй гэсэн бодолтойгоор хийсэн байх магадлалтай хөнгөхөн хошин үзэгдлүүд нь киног утгагүй бөгөөд хэсэг хоорондын өгүүлэмжийг алдагдуулж байлаа.Мөнтүүнчлэн киног баяжуулах гэсэн үзэгдлүүд нь киноны санааг хэсэгхэн хугацаанд алдагдуулсан санагдлаа.
Киног хэсэг болгон гаргах болсон нь телелвизийн олон ангит кино үзэж байгаа мэт сэтгэгдэл төрүүлэх болж.Тухайн ангийн гол хэсгийг тайлбарлах гэсэн оролдого ч байж болно эсвэл ашиг харсан тал ч байж болох юм.Гэсэн хэдий ч үзэгчидийг нэг зүйл дээр хэт төвлөрүүлэх нь тухайн кинонд хандах хандлагыг бууруулдаг мэт санагдах юм.

"Үүрийн гэгээ" хэсэг 2 дээр гарах цус сорогчидийн зөвлөлтэй хийх тулаан хэрхэн өрнөх бол гэсэн бодол "Үүрийн гэгээ" хэсэг 1 нь дууссанаас хойш өөр өөрөөр таамаглан дэвшүүлэн бодож байна.2012 оны 11 сар хүртэл хэрхэхийг хүлээх л үлдлээ.
Хайрлаж хамгаалдаг зүйлийнхээ төлөө хэрхэн зүтгэдэгийг хүн,цус сорогч,хүн чоно гэсэн гурван төрөлтөнөөр сайн харуулж өгсөн байлаа."Үүрийн гэгээ" цувралд хэдий өөрөө үхэх байсанч хүүхдийнхээ төлөө байж чадах эх хүний сэтгэлийг сайн илэрхийлсэн байлаа.

"Кино хүнийг бий болгодоггүй,Кино хүний хөгжүүлдэг"

Кино тойм нь  Монголын Кино Сонирхогч, Шүүмжлэгчдийн холбоо -ийн өмч бөгөөд, зөвшөөрөлгүй ашиглах, хуулбарлахыг хориглоно.

Монголын Кино сонирхогч, шүүмжлэгчдийн холбоо (2011)

Monday, November 28, 2011

Кино сонирхогчдын блог Монгол блогчид 2011 -т өрсөлдөж байна

Кино сонирхогчдийн "Кино шүүмж, тойм" бичдэг залуусын блог маань энэ жилийн шилдэг  Энтертайнмэнт блог болхоор өрсөлдөж байна хэрвээ та дуртай блогоо энэ жилийн шилдэг блог болгомоор байвал Монгол блогчид сайтаар орж дэмжээрэй.

Infograph

Tuesday, November 22, 2011

“Учиртай гурав” УСК-ны тойм шүүмж /2-р баг/

75 минут үргэлжлэх "Учиртай гурав" кинонд О.Амгаланбаатар /Хангай ба Юндэн/,Б.Сайнаа /Учрал ба Нансалмаа/,З.Онон /Хоролмаа ба Намуунаа /,Д.Баттөмөр /Балган ба Баяраа / нар гол дүрүүдийг бүтээж,найруулагчаар Д.Золбаяр ажилласан бол зураг авалт Улаанбаатар хот болон Архангай аймагт болсон байна.
Хангайгийн бичсэн тулааны сэдэвтэй кино зохиол Баяраагийн аавын сэтгэлд хүрдэггүй бөгөөд сэтгэлээр унасан хоёрт Баяраагийн аавтай хамт ажилладаг хүн урамын үг хэлсэнээр кино эхэлнэ.Ийнхүү шинэ санааны эрэлд оюун санаа нь тэнэж байх Хангайг багын найз болох Намуунаа нь дуурь үзэхийг санал болгоно.Хангай Намуунаагийн саналыг зөвшөөрч дуурь үзэхээр явж байхдаа Учралтай тааралдсанаар киноны өрнөл хэсэг эхэлдэг.

Кинон дээр гарч буй эд зүйлүүд тухай бүрийн үзэгдлүүдийг чимж байснаас гадна орчинтойгоо харьцсан байдал нь киног шинэ түвшинд авчирсан.Батаа /Д.Баттөмөр/ киног амилуулж чадсан ба түүний Баяраагийн дүр нь үзэгчидийг сэргээж өгч байсан бол Юндэнгийн дүр нь догшин төрхийг гаргаж хүний сэтгэл хөдлөлийг үнэхээр сайн илэрхийлж чадсан байлаа.Батаагийн тоглосон дүр бүхэн үзэгчидэд сайн хүрдэгийг энд дурдахгүй өнгөрч болохгүй.XX зууны эхэн үеийг харуулсан үзэгдлүүд үзэгчидийг яг л тэр үед байгаа мэт сэтгэгдэл төрүүлэхээр орчинг сайн бүрдүүлсэнээс гадна зураг авалтууд нь киног улам бүр утга төгөлдөр болгож өгсөн байлаа.Цэцэгсийн талд уулзах Юндэн Хоролмаа хоёр,нарны гялбаанд цацрах усан оргилуурын дэргэд муудалцах Намуунаа Учрал хоёр гэх мэтчилэн дурдах хэсгүүд болон байсан.Кинонд онцолж хэлэх бас нэгэн чухал зүйл бол киноны дуу байлаа.Шинээр төрөн гарсан боловч бүтээл туурвихгүй байна хэмээн шүүмжлэл хүртээд байсан Anemone киноны дууг дуулсан ба дууных нь ая кинон дундуур явахдаа үзэгдэл бүртээ сайн зохицож байлаа.


О.Амгаланбаатар,Б.Сайнаа хоёрын жүжиглэлт хиймэл байснаас гадна хувцаслалт нь амьгүй болгож байлаа.Хэдий зун ч гэсэн даашинзнаас үл салах Учралын хувцаслалт орчиндоо нэг л хөндий харагдаж байв.Хангай Учрал хоёрын Намуунаагаас зугтдаг хэсэгт шиврээ борооноос дайжин гүйж буйгаар харуулусан бол илүү өвөрмөц болох байсан болов уу.Үзэгдэл хоорондын шилжилтийн үед аяны зохицол бага зэрэг зөрж байснаас зарим хэсэгт үзэгчидийн анхаарлыг сарниулж байлаа.Хасалт хийсэн болов уу,гэсэн сэтгэгдэл төрүүлэх огцом үсрэлттэй хэсэг байсан нь киноны утгыг цаг хугацааны хувьд бага зэрэг алдагдуулсан болно.

Гол дүрүүдийн нэр үргэлжийн баяр хөөр дүүрэн сэтгэл өөдрөг нэгэн болох Баяраа,аглаг уулсын модны сэрчигнээн сонсдох Хангай,зүрхний үгээ гаргаж чаддаггүй даруу дөлгөөн Намуунаа,санаандгүй танилцсан учирсан Учрал гэсэн санааг илэрхийлэх мэт.
Хажууханд нь байгаа боловч алсаас амьдрал хайдаг,хүмүүний түгээмэл нэгэн занг Хангайгийн дүрээр гаргасан бөгөөд нийгэмд тохиолдох амьдралын даваа,хайрынх нь түүхээр харуулж чадсан байлаа.Мөнтүүнчлэн өнөөгийн хүмүүсийн урсгал мэт амьдралыг харуулахыг зорьсон ч ажиглагдаж байлаа.
"Амьдралыг туулсан туршлагаараа биш,амьдралаас мэдэрсэн мэдрэмжээрээ бичих хэрэгтэй" гэсэн хоёр мөрт үг сэтгэлд хоногшсон гайхалтай үг байлаа.Өөрийн мэдэрсэн бүхнээ,эргэцүүлэн тунгааж цаасан дээр буулган бусдын сэтгэлийг хөдөлгөнө гэдэг зохиолч хүний гайхамшиг.

"Кино хүнийг бий болгодоггүй,кино хүнийг хөгжүүлдэг"

“Учиртай гурав” УСК-ны тойм шүүмж /3-р баг/

Uchirtai-3

2011 оны 11-р сарын 21-ний өдөр нэгэн шинэ бүтээл нээлтээ хийсэн нь “Аравт”, “Тэнгэрийн хүү”, “Миний муу аав”, “Зөрлөг” зэрэг сүүлийн үеийн олон киноны зохиолыг бичсэн бид бүхэнд багагүй танигдаад байгаа СТА О.Эрдэний зохиолыг нь бичиж, “Аравт”, “Үхэж үл болно-Чингис хаан” зэрэг кинон дээр найруулагчаар ажиллаж байсан СТА Д.Золбаяр найруулсан, “Монголфильм” студийн бүтээл “Учиртай гурав” кино байлаа.
            Их зохиолч Д.Нацагдоржийн “Үйлийн гурван толгой” зохиолоос сэдэвлэсэн уг кино нь түүхийн хоёр өөр цаг үеийг тун ч эвтэйхэн хослуулан санагдлаа. Одоогоос зуугаад жилийн тэртээх манжийн үеийн монголын байдлыг, өнөөгийн бидний амьдарч буй 21-р зууны энэ л 2011 онтой хамтатган үзүүлсэн нь үнэхээр авууштай санаа байв. Түүхэн хэсгийн зураг авалтыг энэ зун нар хур нь тэгширч сайхан зуншлага болсон Архангай аймгийн Чулуут сумын Даваатын голд авсан бөгөөд Архангай театрынхан маш ихээр дэмжиж, бүрэн бүрэлдэхүүнээрээ оролцсоноор олны хэсэгт жинхэнэ монгол төрхийг олж харахад хялбар байлаа. Бас нэгэн сонирхолтой ч гэмээр юм уу, харамсмаар ч гэмээр юм уу зүйл нь гэвэл Монгол аж ахуйг харуулах гэж бэлдсэн бүх зүйлээ уран бүтээлчид цоо шинээр хийжээ. Тэгээд ч зогсохгүй хөдөөнөөсөө Монгол банхар олж чадалгүй хотоос аваачсан байна. Тэгтэл нөгөө монгол банхраа хараад хөдөөнийхөн маань дуу алдацгаасан байх юм. Эндээс бид хот хөдөөгүй л монголоо алдаад байгаа юм болов уу даа гэсэн бодол төрж сууна.
            Найруулагч Д.Золбаяр Гөүгөүт өгсөн нэгэн ярилцлагандаа “Би Монголд кино хийж байгаа болохоор Монгол ахуйг л харуулах ёстой гэж боддог.” гэж хэлсэн нь энэ киноны харуулах гэсэн санаатай ч яв цав таарч байсныг харвал киноны бүтээгчид үнэхээр санаа нийлэн ажилласан бололтой. Үнэхээр ч энэ киног үзэж суухад монголын эртний үеийн, эртний гэдэг маань тэрхүү дөнгөж зуу орчим жилийн өмнөх боловч одоо бараг таг мартагдсан тэр л ёс заншил, эдлэл хэрэглэл, хувцас зэргийг алдаа мадаггүй харуулах гэсэн нь сэтгэл хөдөлгөж, өвөө эмээ, тэдний өвөө эмээгээр бахархах сэтгэлийг төрүүлж байлаа. Киноны дараа миний хэд хэдэн анд “Би Нацагдоржийн эх зохиолыг нь олж унших хэрэгтэй байна” гэж хэлж байсан нь энэ кино орчин үеийн залуус бидэнд эртний хэмээн нэрлэгдэж мартагдаад байгаа тэр л оюуны сор болсон гайхамшигт бүтээлүүдийг эргэн санаж, судлахад хүргэж байгаагийн нэг хэлбэр мэт.
            Зохиолчийн хувьд агуу зохиолоос сэдэвлэн одоогийн залуучуудад хүргэх гэсэн нь зохиолын ололт байснаас гадна мөн одоо цагийн кино ямар шатаар бүтэж байна, үүнд зохиол хэр чухал байна гэдгийг ч хавчуулан өгүүлж чаджээ. Тэрбээр дан ганц Нацагдоржийн зохиолыг кино болгон дэлгэж тавъя гэсэн бол одоогийн залууст төдийлөн хүрч чадахгүй байсан болов уу гэсэн бодлоор орчин үетэй хослуулсан мэт. Харин энэ нь ч онож тэр тухайн үеийн үлгэр домог мэт, эсвэл зөвхөн дуурьт л байдаг гэх тэр “Учиртай гурван толгой” нь одоогийн бидний амьдралд ч үл анзаарагдам байдаг гэдгийг харуулахыг зорьжээ. Гэхдээ орчин үеийн амьдрал дээр учиртай гурвын маань хүйс солигдсон байлаа. Эх зохиол дээрээ учиртай гурав хэмээн Юндэн, Нансалмаа, Балганы гурвалыг хэлдэг байсан бол одоо цагийнх дээр нь Юндэн, Нансалмаа, Хоролмаа гурвыг гурвыг илүү харуулчихав уу, эсвэл учиртай “Дөрвөн” толгой болгочихов уу гэсэн эргэлзээ төрж байсныг нуух юун. Мэдээж зохиолчийн санаагаар одоо үед байгаа өнгө мөнгө хөөдөг бүсгүйн илэрхийллийг тусгахыг хүссэн нь энэ байсан болов уу.
Мөн Хангай Намуунаагаас зайлсхийн Учралыг дагуулан гүйдэг хэсэг тэр хоёрыг түргэн хугацаанд дотносгох гэж ядсан ядмаг арга шиг ажиглагдаж байлаа. Ямар ч кинон дээр нэг энгийн хүүхнээс зугатаж тэгж гүйж, гүйхдээ цаашаа чигээрээ гүйнэ гэдэг бол үнэхээр утгагүй асуудал. Үүнээс өөрөөр шийдэх шийдлийг хялбархаан олчихож болмоор байсан шиг санагдана. Мөн Учралын үнэн нүүр царайг Хангай мэдэх тэр мөчид Учралын харамсал илүү байсан болов уу? Харин нэг юм анзаарч суусан маань хугацаанаас болсон уу? Хөрөнгө мөнгөнөөс болсон уу? Кинонд хэт их хасалт хийснээс болоод зарим нэг санаа нь дутуу гарсан ажиглагдлаа. Учрал бүсгүйн Хангайг өөртөө дурлуулах гэсэн үнэн санаа нь юу байв? гэдэг асуултын хариуг олж чадалгүй театраас гарлаа. Мөн киноны үйл явдал хэт хурдан өрнөсөн тал ч байлаа.
            Киноны бас нэгэн сайшаалтай, ололттой тал нь Учиртай гурвын зураг тавилт байлаа. Үнэхээр ч сүүлийн үеийн кинонуудад бараг харагдаагүй сайн зураг авалт болжээ. Бидний мэдэх маш олон киноны зураглаачаар ажиллаж байсан UBS телевизийн зураглаач Г.Баттулгыг та “Гараг” студийн “Аяллын цаг”-н зураглаач гэдгээр нь илүү сайн мэдэх болов уу. Үнэхээр эртний хэсгийн зураг авалтан дээрхи Байгаль-Монголын хослолыг камерын дуранд гайхалтай гаргаж иржээ. Гэсэн хэдий ч зураг авалтанд хэд хэдэн алдаа ажиглагдсаныг нуух юун.
            Нансалмаагийн үхдэг хэсэг үнэмшилгүй байв. Нансалмаагийн цээжний хөдөлгөөнийг та ажиглаж болно. Мөн дараа кадр дээр нь Нансалмааг Хоролмаа гэрийн хойморь хэсэгт араас нь хутгалан алсныг харуулдаг. Тэгвэл амиа алдсан Нансалмаа гэрийн зүүн орыг түшсэн байдалтайгаар, мөн цусны дусал ч толбогүй олдоно. Дээрээс нь аав нь охиноо өвдгөө түшүүлэн хэвтүүлчихээд амийг нь хүн хорлосныг анзаардаггүй. Энэ мэтээр өө харж болохоор байсан ч бусад хэсгийн зураг авалтууд нь эдгээр алдаануудаа аанай л цагаатгаж байсан юм.
            Киноны жүжигчдийн хувьд Х-Түц-н Батаа(Д.Баттөмөр) тун ч дүрээ олсон санагдсан. Мэдээж бусад киноноос ялгарах бас нэгэн онцлог нь нэг жүжигчин 2 дүр бүтээж байсан учраас киноны жүжигчдээс илүү ур чадвар шаардсан биз. Харин гол дүрийн 2 буюу Юндэн Нансалмаа хоёроо найруулагч буруу сонгосон юм болов уу? Гэнэн цайлган, хүсэл мөрөөдлөөр дүүрэн зохиолч залууд Монгол модель агентлагийн залуу модель О.Амгаланбаатарын төрх арай л ширүүдсэн харагдана лээ. О.Амгаланбаатар, Б.Сайнаа(Учрал буюу Нансалмаа) нарын жүжиглэлт үнэхээр дутмаг санагдлаа. Хэдийгээр тэднийг мэргэжлийн биш юм чинь энэ зэрэгтээ байгаа нь их юм гэж цайруулж болох ч кинон дахь жүжигчдийн ач холбогдлыг бодвол анхнаас нь мэргэжлийн жүжигчид тоглуулсан бол эдгээр дүрүүд нь илүү амьдрах байсан болов уу?!
            Кино бүрт нийгэмд хүргэх гэсэн санаа байдаг. Үүнийг киногоороо, киноныхоо нэгэн дүрээр нь эсвэл киноныхоо хэсгээр нь ч юм уу харуулдаг санагддаг. Энэ киноны хувьд тийм л дүр байсныг онцлох нь зүйтэй. СТА Д.Гүрсэд(Цэнд буюу Захирлын туслах)-тэй бид “Говийн зэрэглээ”, “Гэрлэж амжаагүй явна”, “Эзэнгүй айл” зэрэг та бидний сэтгэлд хоногшсон бүтээлээр танилцаж байсан билээ. Эртний хэсэгт хохь ноёны дүрийг тунчиг гарамгай амилуулсан тэрээр орчин цагийн хэсэгт үндсэндээ хоёр удаа л камерт өртдөг. Гэхдээ тэр л агшиндаа залуу зохиолчид урам хайрлан “Кино зохиоход амьдралын туршлага биш амьдралаас мэдэрч байгаа тэр мэдрэмж илүү чухал” гэж хэлсэн нь өнөөгийн кино урлагийг тэр чигт нь илэрхийлэх шиг.
Энэ кинонд 7/10 гэсэн оноо өгөхөөр байна.
Кино урлаг мандтугай.
Монголын Кино Сонирхогч Шүүмжлэгчдийн Холбоо
Шүүмжийн 3-р баг

Sunday, November 20, 2011

"Учиртай 3" Монголын Уран сайхны кино /Тойм Шүүмж/

Монголфильм студийн Найруулагч Д. Золбаярын бүтээл Учиртай гурав киног үзлээ. Түүхэн хэсгийг орчин үеийн цаг хугацаатай хослуулан хийсэнээр бас нэг онцлогтой болов уу гэж бодлоо.

 
Д. Золбаяр гуай олон ч кинон дээр эвлүүлэгч, зураглаач, найруулагч гээд кинотой холбоотой бүхий л ажлыг хийж үзсэн бөгөөд хэд хэдэн түүхэн кинон дээр ажилласан туршлагатай уран бүтээлч юм. Учир нь түүний бичсэн “Шоу бизнесийн - Хаан” (2006) номноос киноны хийц хэллэг, судлал шүүмжийн талаар тун уншууртай бодууштай зүйлсийг олж авсан юм. Киноны эхлэл хэсэг бол тун өөрөөр эхлэнэ юун Учиртай гурав хүн амьтан зодолдоод удалгүй энэ бол Хангайгын гологдсон зохиол болохыг харна.

Киноны түүхэн хэсэг нь үндсэн санаагаа авч хийсэн Үйлийн гурван толгой зохиолоо эвдээгүй хадгалж гаргасан нь харагдав. Хуучний хар цагаан Монгол кинон дээр гардаг зарим нэг ховор план мэр сэр үзэгдээд өнгөрч байв. Киноны найруулагч хэлэхдээ: би Д. Жигжид гуайн дүүрэн планыг тавихыг зорисон гэж байсан.
 
Киноны түүхэн хэсэг дээр бол Нансалмаагын дүр бол даруухан гэнэн цайлган харин Хоролмаа бол хор найруулагч байдаг гэтэл орчин үеийн хэсэг дээрээ энэ хоёрын байр солигдсон мэт болно. Учрал (Нансалмаа) бол сайхан залуу Хангайд (Юүндэн) сайн боловч Мөнгөтэй Баяраатай (Балган) жиг ургуулсан, эцэст нь хоёр залуугийн хооронд яахан удаан гүйх билээ. Хангай бүх учрыг олно. Харин эхэндээ бага зэрэг эсрэгдүү дүр мэт харагдах Намуунаа (Хоролмаа) үнэн хэрэг дээрээ сайн бүсгүй байх болно.

Жүжигчидийн хувьд бол мэргэжлийн болон мэргэжлийн бус хүмүүс холимог байлаа. Сүүлийн үед Батаагүй (Д. Баттөмөр) кино байхаа больжээ гэх болсон. Харин энэ кино дээр Баяраа буюу Балган бусад дүрээ авч гарсан гэхэд оргүй л болуу. Юүндэнг хүрээнээс ирэх замд нь Хоролмаа тосож уулзаад Нансалмааг өөр хүний эхнэр болсон тухайд хэлхэд, Юүндэнгийн гаргаж байгаа эмоц арай сулдвуу гэлтэй санагдав, Магадгүй найруулагчийн шийдэл ч байж болох юм. Юүндэнгийн
(О. Амгаланбаатар) дуу арай шингээдээд байсан, Хоролмаа (З. Онон ) бол дүрээ тунчиг давгүй гаргасан санагдлаа.

 
“Учиртай гурав” ын зохиолыг О. Эрдэнэ бичжээ түүнийг “Зөрлөг” киноны зохиолыг бичсэнээр нь бид мэднэ. 2008 оны “Алтан Шонхор” наадмын шилдэг зураглаачын шагналт Г. Баттулга энэхүү киноны ерөнхий зураглаачаар ажиллажээ. Бас чамгүй олон бүтээл дээр ажиллсан уран бүтээлч. Д. Золбаяр найруулагчтай сүүлийн үед бараг л бүх бүтээл дээрээ хамтарч ажиллаж байгаа гар нийлсэн хүмүүс гэхэд буруудахгүй болов уу. “Учиртай гурав” киног 5D MKII камераар хийжээ. Гэхдээ Маниуал гар фокустай камертай ажиллахад зураглаачаас ихээнхэн чармайлт шаарддаг, авсан дүрсээ дахин дахин томхон дэлгэцээр нягталж шалгаж байхгүй л бол жижиг дэлгэцээр фокусны алдаа гарах нь их. Киноны Хоролмаа, Балган, Цэрэндулан гуравын суугаад ярилцаж байгаа хэсэг дээр хэдэн секунд фокус нь гэрийн ханан дээр л байгаад байдаг.
 
Дууний найруулагчаар нь чамгүй туршлагатай хүн ажилласан гэж бодож байна. Б.Мөнхдорж бол гадны тв шоу дээр хүртэл дууны найруулагчаар ажиллаж байсан юм билээ. Гэхдээ зарим нэг зүйл гэвэл киноны түүхэн хэсэг дээр үхэр тэрэг холдоод яваад байсан хэдий ч үхэр тэргийн дугуйн чийхнах чимээ багасахгүй байсаар байсан атлаа зарим ойрхон хэсэг дээр огт чимээ гарахгүй гэх мэт. Мөн Нансалмаагийн амьд бус биеийг аав нь түшин гашуудан суугаа хэсэг, зураглаач кранн -аар дээш татан дүрсээ авч байхад Нансалмаагын амьсгалж байгаа нь тод томруун харагдаж байв.

Киноны хөгжмийн тал дээр орчин үеийн хэсэгт нь хоёр ч дуу шинээр хийсэн. Н. Халиуны зохиож “Яргуй” хамлагын дуулсан “Чи яг дурлал шиг” дуу инструментал хэлбэрээр дэвсгэр хөгжим болон явж байсан харин Д. Болдын дуулсан “Хагацаж чадах уу?” дуу ердөө хэдхэн секунд зурс өнгөрнө. Түүхэн хэсэг дээрээ Монгол ардын дуунууд соло хөгжмөөр дэвсгэр хөгжим болон явж байв. Түүхэн хэсэг дээрээ нэг дуу шинээр хийсэн бол ямар байх байв гэсэн бодол төрж байв.
 
Орчин үеийн хэсэг дээр Баяраагын аав буюу захирал өөр зохиолчтой ярилцаж Хангайг зохиолчоор ажиллуулахгүй болж байгаа үед захирал хүн үзэгээ илт буруу харуулчихсан гартаа бариад яриад л байв. Бага ангийн хүүхдүүдээс бусад хүн үзэг, харандаагаа арай ингэж барихгүй л болов уу.

Монгол контент компанийн зүгээс найруулагчид санал тавьж ийнхүү кино бүтээгдэжээ, Монгол контентын зүгээс бичил реклам гэвэл залуус Gogo mail ашиглаарай гэж хэлсэнтэй адил мэт Хангай электрон шуудангаа шалгана.

Эцэст нь Хангай туршлаггагүй, нас залуу, амьдрал

үзээгүй хэмээн хэлүүлээд захиралын өрөөнөөс гарч байхад Захиралын зөвлөх нь: Амьдралыг туулсан туршлагаараа биш Амьдралаас мэдэрсэн мэдрэмжээрээ бичих хэрэгтэйдээ гэж хэлсэн үг тун таалагдав.

Ойрд дэлгэцээр Монгол үндэсний хувцас,гоёл чимэглэл, Монгол ахуй, амьдрал хараагүй удсан болхоор сайхан харагдаж байлаа. Архангай аймгийн театрынхан бүрэн бүрэлдхүүнээрээ түүхэн хэсэгт оролцон тогложээ. Орон нутгийн уран
бүтээлчдээ хамруулсан нь таатай..

Кино тойм нь  Монголын Кино Сонирхогч, Шүүмжлэгчдийн холбоо -ийн өмч бөгөөд, зөвшөөрөлгүй ашиглах, хуулбарлахыг хориглоно.

Монголын Кино сонирхогч, шүүмжлэгчдийн холбоо (2011)

Sunday, June 26, 2011

Pirates of the Caribbean:On stranger Tides /review team 1/

Алдарт далайн дээрэмчин Жак Спарроу-н ээлжит нэгэн адал явдлыг өгүүлсэншинэ уран бүтээл болох Pirates of the Caribbean цуврал бүрэн хэмжээний киноны 4-р анги болох On Stranger Tides Тэнгис кинотеатрт Xpand 3D-р 5 сарын 16-ны өдрөөс гарч эхэллээ. “Pirates of the Caribbean киног шимтэн үзэх дуртай хүмүүс,тэр дундаа “Монголын Кино Сонирхогч Шүүмжлэгчдийн Холбоо”-ны кино фанатчидийн сэтгэлийг баясгасан үйл явдал боллоо.Адал явдалаар дүүрэн 136 минут үргэлжилэх киног Rob Marshall найруулсан бөгөөд гол дүр болох хүсэл мөрөөдлөөр дүүрэн, этгээд зантай далайн дээрэмчин Жак Спарроу-ын дүрийг Johnny Depp бүтээсэн байна.Харин түүний сэтгэлийг татсан зартай хууран мэхлэгч Анжеликагын дүрд Penelope Cruz тоглож киног амилуулсан байна.

Киноны эхлэлийн хувьд нүсэр аяз үсгийн дизайн сайнтай фонтууд их үр дүнтэй байв. Шинэ адал явдлын эхлэл мөнхийн цөөрмийн талаар гарч эл киноны утгийг нэмж өглөө. Өмнөх ангиудад салан задгай,хөнгөн шингэн дүр төрх,сэтгэл хөдлөм үг хэллэг,увайгүй бяцхан заль зэргээр тодотгогдох Жак маань дэлгэцнээ гарч туслах Гивсстэйгээ зугтаах арга мэхээ харамгүй тооцоолж үзэгчдийг эхний үзэгдлээс инээлгэхэээ мартсангүй.Зугтах мөчид өөрийнх нь нэрийг барин далайн дээрэмчдийг цуглуулж буйг мэдэж авах ба түүнийг хэнэггүй зан хуумгай үйлдэл нь Английн эзэн хаанд барьж өгнө.Үүнээс л кино маань утга төгөлдөр нийлэмж дүүрэн болж эхэлдэг.

Мөн өмнөх ангид түүний хөлгийг аван үгүй хийсэн ахмад Барбоссатай таарах ба тэрээр эзэн хааны бүрэн эрхт далайн дээрэмчин болсон байдаг.Ахмад Барбосса өөрийн заль мэхтэй овжин эр ба Жак-с өөрийн хөлөгтөө явж хөтөч хийхийг санал болгоно.Нэг хөлөг дээр ноёр ахмад ажиллахгүй нь тодорхой учир зугтаах мөчийг овжингоор тооцон зугтааж өөрийнх нь нэрийг барин баг бүрдүүлж байгаа луйварчинг олохоор явдаг.Сэтгэлийг нь нэгэн цагт булаасан зүрх сэтгэлийнх нэгэн хэсэг байхыг Жак мэддэг ба Жак Анжеликад баригдан нэгэн хөлөг дээр сэрдэг.Энэ удаа Жак Спарроу далайн дээрэмчдын ахлагчаар бус харин Хар Сахалт буюу Эдварт Тийч болон түүний охин Анжелика хоёрын хөлөг онгоцон дээр боолын үүрэгтэйгээр сэрдэг.Хар сахалт Мөнхийн рашаанаас ууж урьдчилан зөгнөсөн үхлээс зугатахыг хүсэн аялалд гарч байгаан тэр байлаа.Түүний өрсөлдөгчидөөр Испанийн эзэн хааны далайчид гарах ба үүний хажуугаар ахмад Барбоссагаар удирдуулсан Английн эзэн хааны далайчид ч бас гардаг.Аялалын туршид та олон адал явдалтай учрах бөгөөд сонирхолтой нь гэвэл Мөнхийн рашаан хүртэх ёслолд Лусын дагиний нулимс хэрэгтэй учир үзэсгэлэнтэй боловч аймшигтай лусын дагинуудтай учирч киноны үйл явдлыг улам сонирхолтой болгоно.

Киноны явцад хөгжилтэй үйл явдлууд, Жак Спарроу-ын хошигнолууд киног урьдын адил чимж байлаа.Дөрөвдөх цуврлын хувьд өмнөх ангиудаасаа нэг ялгарах зүйл нь мэдээж сүүлийн үеийн кинонуудын адил 3D технологийг ашигласан нь киног улам бүр сонирхолтой болгож бйалаа.Эцэст нь хэлэхэд энэ бүх адал явдлаар дүүрэн аялалыг та ч мөн адил шимтэн үзээрэй гэж зөвлөх байна.

Pirates of the Caribbean цуврал бүрэн хэмжээний киноны анги бүрийн үйл явдал өрнөл, их бүрхэгдүү харанхуйн үзэгдэл ихтэйгээр гарч ирсэн. Өмнөх ангиудын адилаар дээрхи үзэгдлүүд их учраас Өргөөгийн REAL D-д хараахан зохиогүй байсан. Харин DIJITAL буюу DOLBY HD гаргалтаар арай гэгээлэг нүдэнд эвтэйхэн харагдах аж.Гэхдээ л Тэнгис-н шил хүнд эв муутай тул нүдэнд жаахан хүндүүртэй байсныг эс тооцвол,энэхүү киноны хувьд 3D нь Тэнгис кинотеатрт илүү тохирсон байлаа.Эцэст нь нэмж хэлэхэд та бүхэн CAST-г нь дуустал үзээрэй кино бүтээгч нараас бяцхан бэлэг бэлджээ.

бичсэн: Ү.Идэрхангай , Билгүүдэй найруулсан:Б.Билгүүн

Monday, May 30, 2011

Луугийн дайчин “ПО”

Kung-fu-panda-2-poster
Дэлхийн нээлттэй зэрэгцэн Монголд луугийн дайчин баатар болох По-гийн адал явдалт хөгжилтэй түүхийг өгүүлсэн нэгэн анимэшн тавдугаар сарын 26-нд нээлтээ хийлээ. Үзэгчид их ирсэн нь энэхүү киноны эхний үзвэрийг хүлээсэн хүмүүсийн уур амьсгал янзтай байлаа. Кино эхлэхээс өмнө хүн бүр л өөрийн гэсэн санаа оноог дэвшүүлж байв.

Тэр тусмаа 3Д үзвэр болохоор ямар байх бол гэж тэсэн ядан хүлээж байлаа. Кино нийтдээ 90 мин үргэлжилдэг ба найруулагчаар Jennifer Yuh ажилласан байна. Jack Black /Po/ , Angelina Jolia /Tigress/ ,Dustin Hoffman /Shifu/ ,Gary Oldman /Shen/ ,Jackie Chan /Monkey/нар дүрүүдийг дуу хоолойгоороо амилуулж өгсөн байна.Кино бүхэлдээ мартагдсан байсан По-гийн амьдралыг харуулсан бөгөөд зүүд гэж боддог байсан тэр дурсамжууд нь түүний өнгөрсөн амьдрал,мөн хэн бэ? гэдгийг тайлбарлаж өгсөн. Кунфу Панда 2 үнэхээр сайн зохиолтой санагдав , тэр холбоосуудын найруулга бол гайхалатай байв.

Гол дүрийн баатар болох ПО панда уулын дээрмчидтэй тулалдах үедээ нэгэн сонин тэмдгийг олж харах ба энэ цагаас киноны учир зангилаа илүү сонирхолтой болж ирнэ. Кино эхлэхэд нэгэн хотын түүхийг ярьж эхэлдэг. Эрт цагт хятадын Гонмэн хотыг тогос захирдаг байж,тогосууд ид шидийг бүтээж ард иргэддээ бишрэгддэг байсан гэдэг.Тогосуудын эрдэм мэдлэгийн хүчинд хот хөгжин цэцэглэж,үлгэрийн гэмээр хотын нэр нь хятад даяар түгэн дэлгэрчээ.Хотын захирагчийн хүү Шен өөрийн эрдэм мэдлэгээ муу зүйлд зориулж эхлэхэд,эцэг эх нь санаа зовон төлөгчид үзүүлэхэд " .... хар цагаан өнгөтэй дайчин түүнийг ялах болно" хэмээн айлдаж.Тэр хэдэн үгийг нууцаар сонссон Шен өөрийн цэргүүд болох чононуудыг дагуулан Хулсны баавгайнуудын тосгон руу дайрдаг.Тосгоныг гал хучин авч тэнгэр хүртэл суунагласан утаа аймшигтай харагдана. Хулсны баавгай чононуудын хооронд тулаан болох үед По-гийн эх По-г аван зугатаж худалдаачины тэргэнд нууснаар нэг түүх домог болон үлдэж өөр нэг түүх эхэлдэг. “ПО” бага байхдаа их хөөрхөн байсан шүү. Нээх хөөрхөн жижигхэн том нүдтэй, иднэ гэж яг мангас шиг, хайр хүрэхгүй байж чадахгүй. За тэгээд нэмээд хэлэхэд сэтгэл хөдлөлийг маш сайн гаргаж ирсэн. Тухайн дүрүүдийн чанаруудыг илүү тодорхой болгож өгсөн гэхүү дээ.

Үг сонголт нь үнэхээр гайхалтай. Кино дуустлаа үзэгчдийн инээлгэж одоогийн нийгэмд зохицсон үг хэллэгтэй байхаас гадна , үйл хөдлөл бол яриангүй шинэ оролдлого байсан. Мэдээж бодит жүжигчид шиг нүүрний хувирлыг төгс хийж чадахгүй ч Кунфу панда 2 дээр бол чадсан гэж бодож байна. Кино эхлэлээсээ төгсөх хүртлээ үзэгдэл бүр таныг инээлгэх бөгөөд бас зарим хэсэгт гүн бодолд дарагдуулах болно. Тулаантай хэсгүүд нь 3д технологийн дэмжлэгтэйгээр үнэхээр гайхалтай болсон ба зэвсгийн тулаантай хэсгүүд дээр жадны тодрол нь үнэхээр гайхалтай харагдаж байлаа.Графикийн хувьд ганцхан жадыг авч үзэх нь учир дутагдалтай бөгөөд салхинд хийсэн унах малгай,гудамжинд цацрах галт бөмбөлөг зэрэг нь хэсэг бүртээ гайхалтай харагдах үзэгдлүүд олон байлаа.Мэдээж өндөр технологиор кино бүтээсэн ч хүний сэтгэлд хүрсэн зохиолгүй бол юу ч биш болно.Зохиол дээр удаан ажилласан гэдэг нь харагдаж байсан.Учир нь кинонд ямар ч илүү хэсэг байхгүй бөгөөд мөн ойлгомжгүй байхааргүйгээр бүх үзэгдэл дээр ажилласан нь ажиглагдаж байлаа.Өчүүхэн ч өө сэвгүй чулуу шиг байлаа.

Дээр өгүүлсэнчлэн уг кинонд маань амьдралын философийг ч шингээж өгсөн байлаа."Дотоод амар амгалан","Өөрийгөө таньж мэдэх тухай", "Хайрын сургааль" зэргийг дурдаж болно. Дотоод амар амгалан гэж юу бэ: үүнийг “По” та бүхэнд харуулах болно. Хүн амар жимэр амьдран сууж байхдаа хичнээн олон жил болсон ч төдийлөн анзаарч ажихгүй байсан зүйлсээ зовлон зүдгүүртэй хүнд үед ахархан хугацаанд ухааран таньж мэдэж буй мэт сэдэлийг Дотоод амар амгалан хэмээх ухагдхуунаар харуулж буй гарна. Кино маань Интернет кино мэдээлэлийн сангаас 8.1 гэсэн нилээд өндөр үнэлгээ авсан юм. Барууны кино шүүмжлэгчидийн нийтлэлийг уншиж байхад ихэнх нь ам сайтай байсан бөгөөд уулга алдсан техт ихээхэн харагдсан. Тулаан гарах үзэгдлүүд нь үзэгчидийг сандлаас хөндийрүүлж, Пандаг үзэж буй үзэгчид сэтгэл хөдлөлөө байнга гаргаж байсан нь киног ямархуу сайн байсанг батлах мэт.Киноны каст,титр хараад сууж байхдаа дараагийн анги гарах магадлал байгаа бөгөөд бүр 2 ч шалтгаан байгааг оллоо.

Ийнхүү дараагийн ангийн ерөнхий тоймыг гаргаж суулаа. Үзсэн хүн бүр өөрсдийн дүгнэлтийг гаргана гэдэгт итгэлтэй байна. Надад хамгийн их таалагдсан юу вэ гэвэл үзэгчдэд үнэхээр хүрч чадаж байгаа нь акшион хэсгүүд дээр дүрүүдийн нүүрний хувирал маш сайн байсан. Гунигтай үе, баярласан үе, хэн нэгнээс итгэл хайсан, зөвхөн л сайн найзуудын тулгарах харц гээд л энэ бүгд яг бидний амьдрал дунд болдог шиг үнэмшилтэй байсан нь сэтгэл догдлуулмаар байсан. Тэр хэсэг болгон дээ үзэгчид нам жим болж дотроо нэгийг бодож суусан байх. Бас нэг содон зүйл нь зохиогчдын зүгээс үзэгчдийн /элэгийг авхаар/ шийдсэн мэт санагдав. Тэр дунд болох хөгжилтэй хэсгүүд дээр ашиглагдаж байгаа ҮГС бол тасархай шүү.

"Кино хүнийг бий болгодоггүй,кино хүнийг хөгжүүлдэг" Бичсэн Эрдэнэбаатар, (MMF) Билгүүн, (MMF) Гантулга (MMF)

Sunday, May 29, 2011

Kung Fu Panda 2

Kung-fu-panda-2-poster
DreamWorks кино компани 2008 онд анх гаргаж байсан Kung Fu Panda анимейшныхээ үргэлжлэл болгон Kung Fu Panda 2: Kaboom of Doom энэ оны 5-р сарын 26-нд дэлхий даяар кино театруудад нээлээ. Ихэнх шүүмжлэгчид киноны хоёрдугаар ангийг өмнө ангийнхаа амжилта дээр тулгуурлан ашиг олох зорилгоор хийдэг учир харьцангуйгаар амжилт олох нь муу байдаг гэдэг ч Kung Fu Panda 2 кино Загалмайлсан эцэг киноны адилаар хоёр дугаар анги нь эхнийхийгээ давсан амжилт олох магадлалтай кинонуудын нэг яахын аргагүй болсон байх нь анзаарагдана.

Kung Fu Panda, Sprit: Stallion of the Cimarron зэрэг анимейшнуудын storyboard зураач /анимейшн болон киноны үзэгдлүүдийн дарааллыг зургаар илэрхийлэх/ Jennifer Yuh Kun Fu Panda 2 дээр анх удаагаа бүрэн хэмжээний киноны найруулагчаар ажилласан бөгөөд түүний дебют тун сайн ажиллажээ. Кино жүжигчидийн багийнханы хувьд эхний ангийн дуу оруулагчид болох Jack Black /Po/, Angelina Jolie /Tigress - эм бар/, Jackie Chan /Monkey - сармагчин/, Lucy Liu /Viper - могой/, Seth Rogen /Mantis - цөгөрцөг/, Dustin Hoffman /Shifu/, David Cross /Crane - дэглий/ нар солигдоогүй бөгөөд шинээр Холливудын Gary Oldman /Shen/, Dennis Haysbert /Master Ox - бух/, Jean-Claude Van Damme /Master Croc - матар/ нар багт нэгджээ. Мөн Оскарын шагналт Hans Zimmer, Josh Powell нар хөгжимөөр кинонд сүр нэмжээ.

Киноны үйл явдалаас цухас дурьдвал Гонмен хотын хунтайж Shen /Gary Oldman/ кунфуд гоц авъяасгүй ч Хятадыг тэр чигээр нь эзлэх хүсэлтэй. Энэ их хүсэлд нь санаа нь зовсон Гонмен хотын хаан, хатан тогос нар төлөгчид хандах бөгөөд түүний зөнд Shen /Gary Oldman/ хар, цагаан хосолсон арга билгийн амьтанд ялагдана хэмээн зөгнөнө. Ялагдахгүйн тулд Shen /Gary Oldman/ -ы хийсэн үйлдэл эцэг эхийг нь айлгах бөгөөд арга буюу түүнийг ордоноос хөөдөг. Хаан, хатан хоёрыг нас барсаны дараа Shen /Gary Oldman/ өөрийн бүтээсэн зэвсэгтэйгээр Гонмен хотод кунфуг түүхийн хуудаснаас арилган Хятадыг эзлэн авахаар эргэн ирдэг. Харин түүний энэ галзуурсан зорилгыг Луугийн дайчин Po /Jack Black/ л домогт 5 дайчны хамтаар зогсоож чадах байлаа. Гэсэн ч тэд Shen /Gary Oldman/ -ы шинэ зэвсэгийн талаар "асар их хүчтэй" гэхээс өөр юу ч мэдэхгүй байлаа. Кино зохиолын хувьд нэг иймэрхүү энгийн боловч харин хийц, хүртээмж, дүр бүтээлтийн хувьд сайн болсон байлаа. Дүрүүдийн харилцан яриа, Po /Jack Black/ -оос бусад дүрүүдийн сэтгэл хөдлөл дээр өндөр ажилласан байв.

Тэдний хийж буй үйлдэл, алхам бүр нь хөгжилтэй байх бөгөөд үзэгчийг хөгжөөгөөгүй нэг ч хором бараг байсангүй гэж хэлж болно. Эхний ангитайгаа харьцуулахад Kung Fu Panda 2 илүүтэйгээр өнгөрсөнийг эргэн дурссан хэсгүүд их байсан бөгөөд тэдгээрийг зураглалын маш сонирхолтой, өхөөрдөм байдлаар хийсэн нь кино танхим дахь хүмүүсийн өхөөрдсөн дуунуудаас мэдэгдэж байв. Мөн түүнчлэн хүмүүст ухаарал хайрласан шинжтэй байсан бөгөөд философийг нь нэг өгүүлбэрт базаад хэлбэл: "Амьдрал сонголтоор дүүрэн байдаг ба чамайг өнгөрсөн чинь бус харин одоо чинь тодохойлно."

Технологийн хувьд 3D хэлбэрээр бүтсэн бөгөөд анимейшн төрлийн кинонууд дундаасаа 3D үзүүлбэрийг хангалттай сайн хүргэж чадсан. Кунфу тулаануудыг илүү үзүүштэй болгож өгсөн байв. Өөлөх боломжтой зүйлс байсан хэдийн ч магтууштай зүйлс нь Kung Fu Panda 2: Kaboom of Doom -ыг энэ зуны хамгийн хөгжилтэй, үзүүштэй кинонуудын нэг болгож байгаатай маргах аргагүй юм. Гэр бүл, найз нөхөд, хэнтэй ч эсвэл ганцаараа ч үзэхэд маш тохиромжтой бөгөөд та үзсэндээ яагаад ч харамсахгүй. Kung Fu Panda 3 -ыг гарахыг хүлээх л үлдлээ.SKADOOSH!

Бичсэн Ану Харчу,(MMF) Ананда Эрдэнэбат,(MMF) Энхмандах Дорж (MMF)

Monday, May 9, 2011

Adjustment Bureau “Хувь тавиланг зохицуулах товчоо”,

“Хувь тавиланг зохицуулах товчоо”, “Хувь тавиланг захирах товчоо”, “Өөрчлөлтийн товчоо” ... уг киноны нэрийг монгол хэл рүү яаж ч оруулж болно. Алийг нь ч сонгосон амьдралыг өөрчлөн зохицуулж байдаг “хүмүүс” –ын тухай гарах нь ойлгомжтой.

The Adjustment Bureau кино нийт 106 минут үргэлжлэх бөгөөд найруулагчаар нь George Nolfi ажиллаж, гол дүрүүдийг Matt Damon /David Norris/, Emily Blunt /Elise Sellas/, Anthony Mackie /Harry Mitchell/, Terence Stamp /Thompson/ бүтээсэн байна.

Зохицуулах товчоо гэдэг нь бурханы зурсан зурагаас өөрөөр явсан тохиолдолд түүнийг нь засахаар ажилладаг байгууллага юм.

Девид Норрис түүхэндээ Нью-Йорк мужын сенаторын сонгуульд өрсөлдсөн хамгийн залуу нэр дэвшигч бөгөөд Брүүклинийн залуучууд түүнийг дэмжсэнээр түүнийг сонгогдоно гэдэгт итгэл дүүрэн томоохон баг ажиллаж байсан ба олон жилийн өмнө гаргасан алдаа нь түүнийг ялалтын ирмэг дээрээс түлхдэг. Сэтгэлээр унасан Девид Норрис хэдий сонгуульд ялагдсан ч өөрийн дэмжигчдэд зориулан мөн ялагчид зориулан индэрийн ард үг хэлэхэд нь Девидэд санаандгүй тохиолдолоор тааралдсан Элисийн үг "сайн талаараа" нөлөөлөх бөгөөд түүний дараагаар Элис зүгээр л гүйж алга болно.

Гэвч тэр хоёрын тааралдах нь санамсаргүй хэрэг биш харин урьдаас төлөвлөсөн бүхэл бүтэн ажиллагаа байсныг Девид хожим нь санаандгүй байдлаар мэдэж авна. Хувь заяа ч гэх үү, аз тохиол ч гэх үү тэр хоёр ахин тааралдах нь тэр. Зохицуулах товчооны ажилтан Доналдсон Девидийг өөрсдийн хэрэглэдэг аргаараа Элисээс холдуулах боловч гурван жил хайсны эцэст Норрис Элисийг ахин олдог. Элис, Девид хоёрын учрал санаандгүй байсан агаад энэ удаад Доналдсоны эрх мэдэл хүрэхээргүй түвшинд хүрсэн санаандгүй учрал байдаг. Ингээд дээд удирдлага Доналдсонг "Алх" хочит Томсоноор солих бөгөөд Томсон ёстой л ажлаа дээд цэгт нь хийж Девидийг Элисээс ахин холдуулж чаддаг.

Өөрийн хийж байгаа зүйлдээ эргэлсэн Зохицуулах Товчооны ажилтан Харри Девидэд хувь тавилан, түүний ажилчидын талаар зарим чухал зүйлийг тайлбарлаж өгөх бөгөөд энэ удаад Девидийн эргэлзээ бүрэн дүүрэн арилж, эргэж буцалтгүйгээр Зохицуулах Товчооны "даргатай" ч хамаагүй уулзаж өөрийн хувь тавиландаа Элисийг оруулахаар Харригийн тусламжтайгаар Элисийг дагуулан байгууллага руу нэвтрэнэ. Гэвч тэр хоёр товчооны ажилчидад баригдаж, гарах гарцгүй болсон үед товчооны "даргаас" тэр хоёрын хэргийг хариуцаж байсан Томсонд тушаал ирдэг. Тушаалын дагуу Девид, Элис хоёрын хувь тавиланг зохицуулалтаас хасдаг бөгөөд цаашдын ирээдүй нь цэвэр өөрсдийнх нь гарт үлддэг.

Хувь тавиланг зохицуулах товчоо киногоор найруулагч хүн өөрийн хүсэл мөрөөдөл,хайр дурлалын төлөө хэрхэн тэмцэх ёстойг харуулахыг хичээсэн болов уу гэж дүгнэж байна. Гэхдээ тэмцэхдээ бусдыг амьдралыг сүйтгэж болохгүй гэдгийг санах хэрэгтэй, хийсэн үйлдэл бүхний чинь үр дагавар өнөөдөр биш ч хэзээ нэгэн цагт ирнэ гэдгийг санах хэрэгтэй гэсэн мессежийг үзэгчдэд өгч байсан бөгөөд нөгөө талаас харах юм бол энэ нь Америкийн "поп культур" болсон бурхан, хувь заяа, чөлөөт сонголт гэсэн санаануудыг гүн гүнзгий шингээсэн байсан.

Кино тэр чигтээ “Бүрх малгайтнуудын эсрэг Девид, Элиз хоёр” гэсэн байдлаар өрнөдөг бөгөөд өөрийн гэсэн чөлөөт сонголттой байж "чаддаггүй" хүн төрөлхтний урьдчилан “дарга” –ын зурсанаар үргэлжлэх хувь тавиланг хангахаар “бүрх малгайтнууд” өдөр шөнөгүй ажиллан гүйлдэж байна гээд төсөөлөхөөр хэнд ч энэ нь их сонирхолтой санагдах байх. Гэсэн ч киноны хамийн сонирхолтой хэсэг нь энэ санаа гэхээсээ илүүтэйгээр “бүрх малгай” –г хэрхэн ашигладаг хэсгүүд л хамгийн сонирхолтой байсан гэж хэлж болно.

Бичлэгийн хувьд эхний 40 орчим минут яг л зурагдсан пянз шиг байсан нь сэтгэлд хүрсэнгүй. Энэ нь магадгүй тээвэрлэлтийн алдаа байсныг үгүйсгэхгүй. Дуу оруулалт нь сайн болсон байсныг энд хэлэхгүй өнгөрч болохгүй, эргэн тойрон гээд бүх зүйлсийг сайн анхаарч хийсэн нь анзаарагдаж байлаа. Гол дүрүүд болон туслах дүрүүдийн уялдаа холбоо болоод жүжиглэлт итгэлтэй, сайн байсан ч киноны орчуулга болон зөв бичих дүрмийн алдаа гэх мэт харилцан ярианы текстийн хяналтын тал дээр олон алдаа гаргасан байсныг хэлэхгүй өнгөрч болохгүй нь.

Найз нөхөдтэйгөө, гэр бүлээрээ үзэхэд сонирхолтой кино боловч Мэтт Деймоны улаан фен л биш бол олон дахин үзээд байхаар гүн гүнзгий утгатай, хэдэн жил яригдах санаатай кино болж чадаагүй нь илт байлаа.

Нэг удаа "Бурхан хүний амьдралын 20 хувийг зурдаг,үлдсэн хувийг нь хүн өөрөө бүтээдэг" гэж дуулж байсан санаанд буулаа. Магадгүй бидний амьдралыг хэн нэгэн чиглүүлж өгч байдаг юм бил үү?

"Кино хүнийг бий болгдоггүй,кино хүнийг хөгжүүлдэг"

Шүүмжийг бичсэн: Билгүүн, Ану Харчу

Thor буюу Бурханы аянган алх (by review team 1)

Хүн төрөлхтөн дайн тулаан, зэвсэгт тэмцлийн дунд мянга мянган жилийг үдэж, энх тайван, амар амгаланг хүссэн сэтгэлээ шингээн энх цагийг авчрах эрэлхэг зоригтой, дайчин баатруудын түүхийг үеээс үед амаар, бичгээр дамжуулан хэлэлцэж ирсэн байдаг. Эрт цагийнх нь үлгэр домог, туульс болж бидэнд уламжилж ирсэн байдаг бол, орчин үед "супер" баатруудын түүх, комик, кино зохиол үзэгч олны мэлмийг баясгах болжээ. Марвел комиксийн ээлжит супер баатруудын нэг болох Тоор өнгөрсөн жилээс албан ёсоор дэлгэцийн бүтээл болж гарах нь зарлагдсан бөгөөд хүмүүсийг багагүй хүлээлтийн байдалд оруулж амжсан билээ. 20-р зууны дунд үеэс Америкаас эхлэн дэлхий дахиныг та бидний мэдэх Hulk, Spiderman гэхмэт олон комик(зурагт) цуврал зохиолуудуудаара байлдан дагуулсан Marvel студийн уран бүтээлүүдийн нэг Thor комик зохиолоос сэдэвлэн бүтээгдсэн уран сайхны киноны дэлхийн нээлттэй зэрэгцэн Монгол улсад 5-р сарын 6-ны өдрөөс эхлэн Тэнгис кино театрт нээлтээ хийлээ. Америкийн алдарж жүжигчин, кино найруулагчKenneth Baranagh найруулж, Chris Hemsworth, Natalie Portman, Tom Hiddleston, Anthony Hopkins, Stellan Skarsgаrd нарын гол дүрд нь тогложээ. 150сая долларын өртгөөр бүтсэн энэхүү кино нь дэлгэцийн уран бүтээл, компьютер график, 3D технологийн гайхамшгийг шинэ хэлбэрээр мэдрүүлж чадсан гайхалтай бүтээл болж чаджээ. Марвелын комикоос сэдэвлэсэн болхоор түүн дээр гардаг хэсгүүд мөн баатрууд бол бараг л бүрэлдэхүүнээрээ байлаа. Киног үзэж эхэлхийн өмнө комиксийг нь уншдаггүй хүнд ойлгогдох болов уу гэсэн нэг бодол төрсөн боловч кино нь хэн бүхэнд ойлгомжтой болгож хийсэн сонирхолтой байлаа. Транспормерс-ын гуравдугаар ангийг хийгээд тун завгүй байгаа Micheal Bay гүйцэтгэх продюсерээр ажиллажээ. Энэхүү кинон дээр Visual effect-ыг маш сайн ашигласан байсан бөгөөд Бурхадын хотын архетектурын шийдэл бол гайхамшигтай сайхан харагдаж байлаа. Киноны төгсгөлд гардаг гариг эрхэс, одон орон, галактикын зураглалууд бол 3D ээр үзэхэд тун гайхалтай мэдрэмж төрүүлж байв. Энэ кинонд Natali Portman орж дүр бүтээсэн нь сүүлийн үед тэрээр холливудад тун эрэлттэй байгааг илтгэж буй. Тоор нь 1962 оноос анхлан гарч эхэлсэн Асгард хэмээх бурхдын орны ханхүүгийн тухай өгүүлдэг комикс юм. Тэрээр өөрийн эцгээсээ өвлөн авсан Моёлнир лантуутай бөгөөд энэ нь түүнд маш их хүч чадлыг өгдөг юм. Түүний дайн тулаанд дуртай, эзэрхэг зан нь түүний хамгийн том сул тал бөгөөд тэр үүнийгээ ухаардаггүйд гол асуудал нь байлаа. Энэ ертөнцийг энх тайвныг сахиулж чадсан Асхардын хаан Один өөрийн хаан ширээг өөрийн хоёр хүүгийн нэг Тор-т шилжүүлэхийг хүссэн ч Торын ухаангүй, омогтой зан нь Одиныг хилэгнүүлж, Торыг дэлхий рүү цөлөхөд хүргэнэ. Тор дэлхий дээр ирж, энгийн хүмүүсийн дунд амьдарч, судлаач эрдэмтэн Жэйн хэмээх бүсгүйд сэтгэл алдарч, хүн төрөлхтнийг, хайртай хүмүүсийнхээ төлөө тулалдаж эцгийхээ хаан ширээг залгамжилж чадах ухаалаг нэгэн болж төлөвшинө. Один хаан олон жилийн өмнө дайтаж явахдаа дайснаасаа өргөж авсан хүү Локи нь Торын эзгүй, Один хааны бие муудсан хойгуур хуйвалдаан зохиож, хаан ширээг залгамжлахаар санаархаж байсан ч Тор эргэн ирж энэ бүхнийг таслан зогсооно. Тоорын дүрд тоглосон Крис Хэмсворф өмнө нь телевизийн цуврал кинонд тоглодог байсан бөгөөд иймэрхүү төрлийн супер баатрын кинонд тохиромжгүй байх болов уу гэсэн таамаглалыг кино маань бүрэн няцааж чадхаар сайн байлаа. Мөн киноны хамгийн чухал дүр болох эсрэг талын дүрийг Том Хайдлстон үнэхээр гайхалтай бүтээсэн бөгөөд, түүний царай нь цаанаасаа Локигийн дүрд төрчихсөн юм шиг л адилхан байсан нь бас хүчтэй нөлөөлсөн болов уу. Эхэн хэсгийг үзсэний дараагаар киноны төгсгөлд нэг том дайн болох тухай таамаг шууд төрж, ихэд догдлуулав. Ер нь бол холливудын кино найруулагч, продюсер, зохиолч, хөгжмийн зохиолч нарын нэр л тод томруун гараад өнгөрдөг яг үүний ард хамгийн чухал хэсгүүдийг бүтээж байдаг бусад ажилтнуудыг үзэгчид сайн анзаарахгүй өнгөрдөг. Тэдний нэг бол яах араггүй Visual effect-ын инженерүүд юм. Кино эхэлхэд бидний сайн танил Marvel, Paramount, зэрэг том том кино компаниудын нэр гардаг боловч тэд санхүүжилт, маркетинг зэрэг үндсэн тоотой хэдхэн ажлуудыг хийдэг бөгөөд маш чадварлаг ямар нэг төрөл зүйлүүдийг хийж гаршсан, жишээ нь маш сайн үер усны эффект эсвэл гариг эрхэс ч юм уу ингээд нэг нэг төрлөөр гаршсан жижиг студиудаар киноныхоо хүнд хэцүү элемэнтүүдийг хуваан тарааж өгөөд хийлгэчихдэг. Ерөөсөө хэдхэн секундын Visual effect-ыг гаргах гэж маш их хугацаа, их хөдөлмөр орж байдаг тиймээс ч тэд ажлын хөлсөө хангалттай авдаг. Энэхүү кинон дээр Visual effect ын инженерүүд маш сайн ажиллажээ.Марвелийн бүтээлүүдийн бас нэгэн онцлог болох киноны титр урсаж дууссаны дараагаар үзүүлдэг минут орчим гарах богино хэсэгт киноны гол түлхүүр гарах бөгөөд Тоор нь ирэх жил гарах Марвелийн баатруудын цуглуулга болох The Avengers дээр хэрхэн үргэлжлэх тухай байлаа. Энэ киног 3D-ээр, каст(Уран бүтээлчдийн нэрс)-ыг гарч дуустал үзэхийг хувийн зүгээс аминчлан захих байна. Хэрэв та хэзээ нэгэн цагт уудан огторгүй, одот ертөнцөөр элин халин нисэхийг хүсч байсан бол тэр мэдрэмжийг 3D технологи танд тэр мэдрэмжийг өгөх болно. Заавал үзээрэй :) гэвч үзэгчид кино дуусаад каст гараад эхлэнгүүт л танхимаас гараад явчихдаг нь харамсалтай.

Бичсэн: Г. Эрдэнэбаатар (MMF), Б. Гансүх (MMF) Э. Ананда (MMF) from review team 1

 

 

 

 

 

 

 

 

Sunday, May 8, 2011

Thor 3D

Эртний умард Германаас гаралтай Герман-Скандонивийн бурхан Одиний хүү болох домогт аянгаар ниргэгч хэмээх алхчин бурхан Thor-оос сэдэвлэгдсэн мөнгөн үе гэгдэх жараад оны Marvel-ийн нэгэн дүр дэлгэцнээ амиллаа.Thor нь Marvel-ийн комиксын зохиолоор хийгдсэн энэхүү кино нь сүүлийн үед мөнгөн үе болон тэдний үр хүүхдүүдийг үеийн үед нь байлдан дагуулж, мөн хүсэн хүлээгдэж байгаа Халк, Төмөр хүн, Хүн аалз, Wolverine, Captain America зэрэг кино дэлгэцнээ амилаад байгаа комикс зохиолуудын оргил бүтээл болох The Avengers-ийн өмнөтгөл нь билээ. Бодит 3D технологи болон нөр их хүч хөдөлмөр, хүн хөлсөөр бүтсэн агуу график дизайн, чадварлаг жүжигчид,гайхалтай бүтээл туурвисан продакшнуудууд, найруулагч, зураглаачдаас бүтсэн энэ киноны нээлт нь Австралид өнгөрсөн сарын 21-ээс (IV/21) эхлэн VI/1 хүртэл дэлхий даяар үргэлжлэх юм. Тэр ч байтугай Тэнгис кино театр, MMF бүлгэмтэй хамтран дэлхийн нээлттэй цуг Монголд албан ёсны нээлтийг хийсэн нь өчигдөр буюу V/6-ны өдөр байлаа.

 

Кино нийт 115 минут үргэлжлэх ба найруулагчаар нь Kenneth Branagh ажиллаж гол дүрүүдийг Antony Hopkins /Odin/ , 2009 онд “Star Trek” кинонд туслах дүрийг бүтээсэн Chris Nemsworth /Thor/ , “Хар хун“ киноны гол дүрNatalie Portman /Jane/ ,Tom Hiddleston /Loki/ ,Stellan Skarfsgard /Erik/ ,Kat Dennings /Darcy/ ,Idris Elba /Heimdall/ ,Colm Feore /Laufi/ нар бүтээсэн байна.Эрт цагт Ёотунхэймийн үлэмж биетнүүд Мидгардад халдаж дэлхийд мөстлөгийн үеийг авчирдаг ч Одинаар удирдуулсан Асгардын дайчид тулалдан ялсанаар Мидгардад бурхадын түүх эхэлдэг.Түүнээс хойш олон жил өнгөрч Одиний хоёр хүүхэд өсөн том болж,Тор хаан ширээнд суух өдөр хэсэг үлэмж биетнүүд Асгардын зэвсгийн агуулахад эвийн гэрээг зөрчиж халдсанаар хаан ширээнд суух ёслол цуцлагддаг.Үүнд уурссан Тор Ёотунхэймийн үлэмж биетнүүдийн ертөнц рүү найзуудын хамт явдаг.Тулаан ялагдлаар дуусч мэдэх үед Один Ёотунхэймд Слейпнирээ хөлөглөж ирдэг.Ийнхүү Торын болчимгүй алхамаас үүдэн хоёр ертөнцийн хооронд дахин дайн гарахад хүрдэг.Один үүнд ихэд хилэгнэн Торын хүчийг Мьёлнирт тарнидаад Мидгард луу цөллөгт явуулснаар кино эхэлдэг бөгөөд Тор цөллөгт байх хооронд хаан ширээнд суух хүсэлтэй Торын дүү Локи өөрийгөө Ёотунхэймийн иргэн гэдгээ мэдэж байдлыг улам бүр дордуулна.

 

 

Тор гарах яриа гарсан цагаас эхлэн ямархуу болох бол,ямар түүхийг харуулах бол гээд л олон асуултууд кино сонирхогчидийн дунд байсаар байлаа.Хүмүүсийн хүсэн хүлээж байсанчлан "гайхалтай" байсан.

Кино нь сүүлийн мөчид гарах багахан хайр дурлалын драм хэсэг болон дэлхий дээр болох ганц хоёр инээдмийн хэсгүүдийг эс тооцвол тэр чигээрээ адал явдалт экшион киноны төрөлд багтахаар болсон байна.

Мөн өмнө нь төдийлөн гарч байгаагүй эртний Ано Домины тооллын үеийг орчин үетэй цаг хугацааны солонгон гүүрээр холбож өгсөн нь тун ч сонирхолтой. Эртний Найман эрхэсийн доторх эрх мэдлийн төлөөх хаанд засаглалын сүрлэг дүр төрх дотор гүн орж, бахдан биширч байгаад гэнэт өнөөгийн өөрсдийн ертөнц, цаг хугацаа, нийгэмийг харахаар эрс тэс хоёр өөр мэдрэмж төрүүлдэг учир ер уйдамгүй.Мэдээж киноны хамгийн чухал зүйл бол график эффект, гурван хэмжээст бодит мэдрэмж байлаа. 3D технологийг шинээр гарч байгаа кино болгон бодитой талруу нь хөгжүүлэн сайжруулсаар байна. Энэ кино дээр ч гэсэн үнэхээр чадварлагаар ашиглаж чадсан. Од эрхэст огторгуйн гүнрүү гэрлийн хурдаар сүлжин явах мэдрэмжийг хамгийн бодитойгоор энэ киноноос л мэдэрч болно. Шуурга болох,гал дүрэлзэх,тоос босох үеийн эффектүүд маш өндөр байсан ч,цөөн хэдэн хэсэгт жижиг эффектүүдийг болхи хийсэн нь ажиглагдлаа.Мэдээж энэ нь киноны рейтингийг унагахааргүй бөгөөд өчүүхэн зүйлийг ч орхиж үзэхийг хүсдэггүй хүнд бол бага зэрэг урам хугармаар санагдах болов уу?

Киноны турш ам ангайлгам график эффект, зураг авалтууд нь үзэгчдийг байнгын сэтгэл хөдлөлд автуулж, сандалаасаа босгож дөнгөх байх. Мэдээж дуу, ая бол гайхалтай биш гэж хэлэхийн аргагүй сайн, дотор нь ормоор болгосон. Өмнө нь сонссоор уйдаад байсан дуу оруулалт энд илүү өөр, зэвүүн, шинэлэг байх болно гэдгийг хэлмээр байна.

 

 

Мэдээж кинон дээр бага сагахан алдаанууд гарна. Жишээ нь цаг хугацааны гүүрээр явах гээд бөмбөрцөг асар хурдан эргэж байхад дотороос нь авсан кадр дээр цонхны цаана юу ч болоогүй мэт тайван байх. Мөн Найман эрхэсийг зангидагч цэнхэр хайрцагийг Асгардын зүгээс хамгаалагч Дестройер дэлхий дээр Тортой тулалдаж байх үед Тороос үл ялиг том мэт гардаг багахан хэсэг бий, уул нь тэр хоёр давхар байшинтай дүйцэх аврага биетэй билээ.

 

 

Киноны аянаас авахуулаад туслах дүр хүртэлх бүх нэгж хэсгүүд нь кинонд бүрэн зохицож чадсан бөгөөд од эрхэс,аянга цахилгаан гээд л хүрээлэн буй орчин нь киноны утга санааг бүрэн илэрхийлж байлаа.

Кино нэг талаараа яриа ихтэйгээс гадна сул хэсгүүд ихтэй мэт санагдуулах ч 2012 онд гарахаар төлөвлөгдөөд байгаа "the Avengers" киноны баатарт хэрхэн хамаарагдаж байгааг өгүүлж байгаа нь тэр.Энэ гарч байгаа кино маань нэг үгээр илэрхийлбэл Тhe Avengers киноны Торын "оршил" хэсэг юм.

Кино эхлэлээсээ төгсгөл хүртэл үзэгч таныг өчүүхэн ч уйдахгүй гэдэгт итгэлтэй байна.Энэхүү дэлгэцийн ээлжит гайхалтай бүтээлийн ерөнхий зохиол "хүний амьдрал гэдэг ямар үнэтэй,ямар гайхалтай.Харин бид түүнийгээ олж хардаггүй" гэдгийг харуулахыг зорьсон болов уу?!

Орчин цагийн кино ертөнцийн гайхамшигт технологи, эртний үлгэр домог, ахмад үеийн сэтгэлд хоногшсон комикс хэрхэн амилж байгааг та үзэхийг хүсвэл Тор-г зөвлөж байна.

 

"Кино хүнийг бий болгодоггүй,Кино хүнийг хөгжүүлдэг"

 

Бичсэн: Билгүүн (MMF), Хасчулуу (MMF), Ану (MMF) from review teaw two

Saturday, May 7, 2011

Хувь тавиланг зохицуулах товчоо ( Тойм шүүмж: Review Team #1 )

Хүнд урьдаас бичигдсэн хувь заяа гэж байдаг уу? Эсвэл хүн бүр өөр өөрсдийн сонголтоор амьдардаг уу? Өөрийн дураар амьдрах гэтэл яагаад үргэлж саад бэрхшээл, тооцоолоогүй хүчин зүйлс нөлөөлөөд байдаг юм бол? Өөр хэн нэгэн бидний хувь заяаг тодорхойлдог юм бол тэд хэн байж таарах вэ? Нэгэнтээ зурагсан хувь төөрөг байдаг бол түүнийг өөрчилж болох уу?

Америкийн зохиолч Филип Дикийн "Adjustment Team" богино өгүүллэгээс сэдэвлэсэн бүтээсэн "Хувь тавиланг зохицуулах хороо" онц сонирхилтой романтик кино энэ оны хоёрдугаар сарын 14-нд нээлтээ хийснээсээ хойш л гэхэд 100 гаруй сая долларын орлоготой байна. Гол дүрүүдэд Matt Damon, Emily Blunt нар тогложээ. Миний мэдэхийн нилээн чухал, төвийн байрны, жишээ нь Борнын цуврал мэтээрээ олонд танигдсан жүжигчин Matt Damon энэ удаад хөгжилтэй, бүтэлгүй сенатын сонгуульд нэр дэвшигч David Norris-ийн дүрийг бүтээсэн нь өвөрмөц, бас их зохисон санагдана.

Романс, зөгнөл, триллэр гээд ер нь их олон жанарыг хольсон ч тэр нь бантагнах биш, харин ч сонирхолтой байдлаар холбож өгсөнөөр гэр бүл, хамт олон, амраг хосууд, гийк, нэрдүүд гээд тал бүрийнхэн шимтэж үзэж болох боломжоор хангагджээ.

Хүн бүр л улс төр, брэнд, корпорациуд, дуучид, сонин хэвлэл, тэр ч байтугай найз нөхдийнх нь яриа хүртэл нэгэн систем дор базагдаж, хувь хүн бүрийн тархийг угаах зорилгоор хөшигний цаадах далд ерөнцөөс уягдсан утсан хүүхэлдэй мэт холбогдсон жүжиг байдаг гэдэгт итгэдэг байх. Тэгвэл энэ кинонд хүүхэд, залуучууд, ер нь пивондоо халаад эд яриандаа орсон хүн бүхний ярианд байдаг дээрх зүйлийн яг голыг нь олоод маажих мэт хачирхалтай, бас онц сонирхолтой, олон өнцгөөс харсан байдлаар нь тайлбарлахыг хичээжээ. Үгүй бол хайр дурлал, шинжлэх ухаан, бурхан чөтгөрийн талаас дээрх асуудлыг харсан ч бай маш олон зүйлийг нэг дор багтааж, зангидан хором ч уйдах аргагүйгээр найруулсан сайхан кино болсон гэдгийг бардам хэлэхэд таатай байна

Adjustment_bureau_poster

Monday, April 18, 2011

Кино боловсрол хөтөлбөр

Монголын Кино Сонирхогчид, Шүүмжлэгчдийн Холбоо
www.facebook.com/movieMGL (Like! us for more info)
- оос зохион байгуулж буй "Кино Боловсрол Хөтөлбөр"-ийн гурав дахь киногоор “Zeitgeist: The Movie” баримтат киног мэргэжлийн монгол орчуулгатайгаар та бүхэндээ хүргэхэд бэлэн боллоо. Энэхүү баримтат киног монгол дахь Zeitgeist хөдөлгөөний зүгээс хамтран хийхээр боллоо.

Киноны тухай:
Анх интернэтэд цацагдсанаас 2009 он хүртэлх хугацаанд 100 гаруй сая удаа интернэтээр үзсэн уг кино нь бидний амьдарч буй нийгмийн хамгийн гол асуудлуудыг 100 хувь шинжлэх ухааны үүднээс олон мянган судлаачдын хамтаар судалж бий болгосон баримт мэдлэгийг нэгтгэн тун сонирхолтой баримтат кино бүтээжээ. Уг бүтээлд: 2001 онд болсон дэлхийн худалдааны ихэр цамхагын сүйрэл хийгээд 20 р зууны түүхэн томоохон дайны жинхэнэ учир шалтгааны тайлал? , Шашины талаарх онол, түүх? Мөнгөний системийн,дэлхийн өр? гэх мэт бидний мэддэг ч мэддэггүй тэр л бодит үнэнийг дэлгэн тавьсан байна.

Та бүхэн тасалбараа захиалахдаа өөрт хэрэгтэй тоогоор захиалах бөгөөд бусад хүмүүсийн мэдээллүүдийг мөн оруулсан тохиолдолд таны захиалга хүчин төгөлдөр болно. Өөрөөр хэлбэл та нэг нэр дээр нэгээс олон тасалбар захиалах боломжгүй бөгөөд жишээ нь хоёулаа үзэж байгаа тохиолдолд нэг хүний amiando username-ээр хоёрыг захиалж болох ч тасалбар тус бүрийн мэдээллийг тусад нь оруулах хэрэгтэй. Шаардлагатай билетийн тоог захиалахад таниас мэдээллэл асуусан цонх гарч ирэх болно. Нийт 50н хүн оролцох боломжтой ба бүртгэл 4-р сарын 20 ны 19 цагаас 22 ны 17 цаг хүртэл хийгдэнэ.

Кино үзвэрт ирэхдээ PDF өргөтгөлтэй тасалбарыг заавал хэвлүүлэн авчрах хэрэгтэй. Тасалбар таны amiando хэрэглэгчийн хуудас дээр (sign-in хийсэн байх шаардлагатай) My Ticket гэсэн хэсэгт байгаа. Тасалбарыг А4 хэмжээтэй цаасан дээр, хар цагаанаар хэвлүүлэн авчрахыг зөвлөж байна. Нэмэлт анхааруулга нь тасалбар дээрх дөрвөлжин баркодыг нугалахгүй байхыг сануулъя.

Бүртгэл хийлгэх хуудас: https://www.amiando.com/MM FZeitgeist(Бүртгэл 4 сарын 20ны 19 цагаас эхэлнэ, одоогоор хаалттай)

Кино 18 цагт эхлэх тул та бүхэн үзвэрээс өмнө ирж тасалбараа шалгуулан орно уу.

Бусад болон дэлгэрэнгүй мэдээллийг манай фейсбүүк пейжээс авна уу: www.facebook.com/movieMGL

Мөн Zeitgeist Movement -ийн талаар дэлгэрэнгүйгhttp://www.facebook.com/pa ges/The-Zeitgeist-Movement -Mongolia/191543134217743 болон монгол сайт-http://thezeitgeistmovemen t.mn/

Дэлгэрэнгүй - http://www.facebook.com/event.php?eid=125925014149234

 

 

Read more...

Monday, February 28, 2011

Оскарын тухай зарим нэгэн юм ( Mazaalai's Personal Opinion )

Нэг ингэжээ. За яахав өнгөрсөн гэхдээ. Оскар болдог жамаараа болоод өнгөрөв өө. Kings Speech магадгүй сайн кану. Би өөрөө ч үзсэн сайн бүтээл болсон нь дамжиггүй. Бүтээсэн австраличууд нь Кино наадмуудын "Гадаад хэл дээрх номинацид" өрсөлдүүлэхгүй гэж Английн кану академийн нэрийн өмнөөс оруулж. Тэгснээрээ найруулагч болон оны кино мино гэх олон төрөлд өрсөлдөх боломжтой болж байгаа юм. Оскарын гадаад (англиас бусад) хэл дээрх киног татан хамруулдаг бүсэд нь Австралчууд багтдаг учир тэгсэн хэрэг л дээ. За за үүний нарийн учрыг сайн мэдэхгүй учир ингээд орхичие төвөг. Зөвхөн бусад буюу англиас өөр хэл дээрх гэсэн хувь тэнцүүлэх санаа агуулдаг номинацийн шагналыг баараггүй авах нь ойлгомжтой санагдаж, улмаар ганц номинацын уг шагнал хангалтгүй санагдсан хэрэг л дээ. Аргагүй бүтээлийнхээ хувьд ч "гадаад хэл дээрх" гэх ганц төрлийн номинацийн, ер нь Америкаас, Англиас бусад орны кино бүтээлийг товчхон авч хэлэлцдэг уг шагнал нь жижигдсэн хэрэг л дээ. Оскарын оны кануны хувьд ийм байж. Цааш нь юу гэхээр Оскарын шилдэг найруулагчид олгодог шагналыг нэг сайн ойлгодоггүй гэдгээ нуугаад яахав. Сүртэй түүх сөхөж, тэрийг тэгэж гомдоогоод тэгсэн ингэсэн гэсэн Оскарын гоморхлын түүхийг ойр үеийн түүхээс авч үзье. Алдарт Мартин Скорсэс гэх найруулагч 1970-аад оноос 2006 оныг хүртэл зүтгэж байж авсан шагналыг зарим нэгэн одтой, адтай, донжтой, бас мундаг гарууд эхнийхээ удаа нэр дэвшээд л хусчих юм. Өнгөрсөн оны болон энэ оны гэх мэт нөхөд. Мартин Скорсэсийн хувьд яагаад вэ гэвэл? 80 нас дөхөж явахад нь Дэпартад хэмээх канунд нь яаруу сандруу шахуу л шилдэг найруулагч хэмээх шагналыг өгч орхисон. Магадгүй 80 хүрч яваа энэ өвгөн нэг өдөр үхчихвэл уг шагналын нэр хүндэд муугаар нөлөөлнө гэж олны түрлэгээс айсандаа өгчихсөн нь тэр. Өмнөх үеийн ийм түүх хэд хэд бий. Үхсэн хойно нь элдэв шалдвийн хүндэтгэлийн гэх мэт алиа шагналаар доромжилдог хөгтэй явдлын сургамжаас үүдэн авсных нь таг хаагдахаас өмнө "биднийг энэ олон жил удаасанд уучлаарай" ухааны л юм болж байсан санагдана. Ер нь кино урлагт шагналын төлөө уралдах нь онц чухал хэрэг явдал биш ч хүний дотроо тээх хүлээлт гэж бий л дээ. Тойрон хүрээлэгчид нь чи гарцаагүй шагнал авна гээд л ам алдан цуваад байхаар өөрийн эрхгүй бага зэрэг найдвар цээжинд нь асаж, яг нэр дуудах мөчид багахан хэмжээний лугшилт зүрхэнд нь өгөх нь мэдээж. Энэ сэтгэлийн тамаас ангижирсан хүн манай гариг дээр хуруу дарам цөөн л болов уу. За энэ яахав гээд өнгөрсөн оны Оскар дээр Камеронд бас тийм мэдрэмж төрсөн нь эргэлзээгүй. Энэ оны оскарын хувьд бол Оны киногоо King Speech-д өгөөд, найруулагчаа арай өөр тийшээ онилох нь зүйтэй байсан болов уу. Хүн болгон Инсэпш, Хар хун гэж ам алдаад байхаар олны түрлэг дагаад хэт туйлширсан болчихвий гэсэндээ "арьсаа" боддог өвчин нь дийлж оны шилдгээ дагаад найруулгагч нь ч бас авах нь зүйтэй гэдэг бичигдээгүй хуулиндаа захирагдчихсан мэт санагдав. Хэт туйлшралаас зайлсхийж нухацтай хандах нь зүйн хэрэг мөн боловч хэр оновчтой онилдог нь зарим үед тун эргэлзээтэй. Өнгөрсөн оны үйл явдал мөн л ижил. Оны шилдгээ Аватарт, шилдэг найруулгаа Катринд? өгчихөд дүйцэх байсан мэт. Хүмүүсийн туйлширсан "COMMERCIAL" кино нь "бүтээл биш" харин сэтгэл зүйн, мэдрэл сэтгэцрүү халдаж байгаа цөөнхийн үнэлдэг зүйлийг бүтээл гээд байх нь хэт өрөөсгөл. Бас дэндүү өрөвдөлтэй хэрэг болно. Үгүйдээ гэхэд өнгөрсөн онд 2,7-н тэрбумын орлогыг нь хүндэтгээд Оны киногоо Аватар гээд зарлачихаж болох л байв. Учир юу гэвэл тухайн цэнхэр биетнүүдтэй харийнхний тухай киног дор хаяж нэг хүн хоер удаа үзсэн гээд бодохоор манай гариг дээрх 1 тэрбум гаруй хүн таалсан нь дамжиггүй хэрэг мөн. Гэтэл Оскар 1 тэрбум хүний хүсэл эрмэлзлийг хөнгөн хуумгай шийдвэр мэт үзэж, мөн цаашлаад Оскарын маань нэр хүнд уначихвий гэсэндээ албаар сөргүүлсэн нь түүх болоод л үлдсэн. Бусад төрлийн сайн киноны дэргэд Аватарыг харьцуулаад өөлж болох л. Технологи ашигласан байдал, ядаж л түүнийг бүтээхэд зарцуулсан цаг хугацааг нь үнэлэж болох л. Анзаарсанаар бол Оскарын шилдэг кинонууд нэгэн хүний намтар маягтай эсвэл хүн хоорондын адармаатай харилцааны асуудал, дайны сэдэвтэй бүтээлүүд давамгайлдаг. Уран зөгнөлт, шинжлэх ухааны уран зөгнөлт төрлийн бүтээлүүд төдийлөн тоогдож байсан нь цөөн. 90-ээд оноос өмнө (1982?) бүхэл бүтэн жил гаруй хугацаанд Америкийн бокс оффисийн жагсаалтанд тэргүүлж, дээд амжилт тогтоосон Спилбэргийн хар гаригийн амьтантай нөхөрлөдөг жаахан пацааны тухай киног бас нэрлэж болно. Магадгүй Камероны Аватарт шилдэг найруулга, мөн оны киног өгье гэхэд өмнөх үед техник,дүрслэл, дууны талын наминаацыг нь гардуулж байсан Спилбэргтэй тэнцэтгэсэн хэрэг байж болох. Гээд уран зөгнөлт, технологи талын кино үнэлдэггүй юм бол үүнийг хэрхэн үнэлмээр байна гэж Шиндлэрийн бүртгэлээ бүтээсэн байдаг ... ... Гээд элдэв янзын дэмий харьцуулалтаа өндөрлөөд Оскарын гэрэл гэгээ сайхан зүйлсийг дурьдвал Натал Портман гэх еврэй хүүхэн 1994 оноос хойш содон өвөрмөц дүрүүдээ чадварлаг бүтээж ирснийхээ хүчинд түүнийгээ үнэлүүлж чадлаа. Шилдэг эрэгтэй дүрд анхандаа эргэлзэж байсан боловч King Speech-ийг үзсэний дараа бодол маань өөрчлөгдсөн. Харин туслах эмэгтэй дүрд King Speech-ийн эмэгтэй дүр авах байх гэсэн боловч хэтэрхий туйшлралаас зайлсхийсан шийдвэр нь оносон. Туслах эрэгтэй дүрд онцын таамаггүй байсан учир шагнал эзнээ яг олсон эсэхийг мэдэхгүй. Хамгийн төгсгөлд нь гэхэд "Гадаад хэл дээрх кану наминацид" Biutiful, Dogtooth хоёрын аль нэг нь гэсэн болбочиг Даничууд энэ жил тухайн шагналыг авахыг хүссэн бололтойдог. За тэгээд бусад төрлүүд дээр эргэлзээд байх зүйл болсонгүй. Харин Пиксартай салам өрсөлдөх шинэ өрсөлдөгч хэрэгтэй байгаа мэт санагдах юм. Пиксар нэг юм хийлээ Оскар авлаа гэдэг уламжлал бараг тогтлоо шүү. За за дууслаа, тайвшрав. Аан нээрэн Том Хүүпэр гээд шилдэг найруулагчийн шагналын эзэн маань яван чангарч байгаа "залуу" найруулагчдын эгнээнд багтах нэгэн яах аргагүй мөн гэж тодотгох хэрэгтэй байх.

Written By Mazaalai Man

Friday, February 18, 2011

“Ногоон хэдгэнэ”

“Ногоон хэдгэнэ” киноны нээлт албан ёсоор 2011 оны 02 сарын 15-нд "Өргөө" кинотеатрт нээлтээ хийлээ. Монголын кино сонирхогч,шүүмжлэгчдийн холбооны залуус
нээлтийн ажиллагаанд эртнээс бэлтгэж, кинотой холбоотой богино хэмжээний үзүүлбэр толилуулсан нь олон ч үзэгчдийн сэтгэлийг хөдөлгөсөн харагдаж байлаа..
Нээлтийг урьд, урьдынхаас илүү сонирхолтой хийхийг зорьсон залуусын хичээл, зүтгэл талаар өнгөрөлгүй, "Өргөө" кино театрт хүрэлцэн ирсэн холбооны гишүүд төдийгүй үзэгчдэд сэтгэгдэл төрүүлж чадсан. Ямартай ч дараачийн үйл ажиллагаанд энэ эрчээрээ шинийг эрэлхийлж, далайцтай сэтгэх юм бол бүр ихийг хийнэ гэдэгт итгэлтэй байна
"Ногоон хэдгэнэ" /Green Hornet/ киноны тухайд 1930-аад оны радио цуврал бөгөөд түүнээс хойш комик цуврал болон дэлгэцийн бүтээл хэлбэрээр гарч байсныг үзэгчид мэднэ.
"Ногоон хэдгэнэ" хийгдэж байгаа тухай яриа кино сонирхогчидийн дунд байсаар 2011 онд"Ногоон хэдгэнэ"-ий шинэ бүтээл дахин дэлгэцнээ амилж олон ч кинонд дурлагчидийн сэтгэлийг сэргээлээ.

Өмнө нь гарч байсан ангиудаас хамгийн нэр хүндтэй 1966 онд George W.Trendel найруулж Britt Reid /Van Williams/,Kato /Bruce Lee/ дүрүүдийг амилуулж байсан гэдэг.
Харин шинэчилсэн уг хувилбарыг 2011 онд Францын найруулагч Michel Gondry найруулагчаар нь ажиллаж Britt Reid /Seth Rogen/,Kato /Jay Chou/,Lenore Case /Cameron Diaz/ ,James Reid /Tom Wilkonson/,Mike Axford /Edward James Olmos/,Chudnovsky or Bloodnovsky /Christoph Waltz/ нар гол дүрүүдийг бүтээсэн байна. Seth Rogen телевизийн цувралууд болон инээдмийн кинонд түлхүү тоглохын зэрэгцээ цөөнгүй хүүхэлдэйн кинонд дуу оруулж байсан билээ. Хэдгэнийн хамтрагч Катогийн дүрийг Тайванийн дуучин, жүжигчин Jay Chou бүтээжээ. Гурван настайгаасаа төгөлдөр хуур тоглож, цаашлаад ая зохион, дууны үг бичиж, 2000 оноос эхлэн жил алгасалгүй 9 цомог гаргасан гээд түүний намтар тун ч сонирхолтой. Тэгвэл Jay Chou жүжигчний замналаа 2003 онд эхлүүлсэн билээ. Улмаар өөрөө кино найруулж "Secret" бүтээлээрээ үзэгчдэд бэлэг барьсан. Баттай мэдээлэл биш ч, энэ онд "Secret"-ийн хоёрдугаар анги дэлгэцэнд амилна гэсэн.

Киноны эхлэл хэсэг James Reid алагдаж Britt Reid аавынхаа үүсгэн байгуулсан Daily Sentinental компанийг өвлөж байгаагаар эхлэж,Britt Kato-тай уулзаж байгаагаар өрнөдөг.Britt тойргийн шүүгч Scanlon-той рестаронд уулзахдаа James Reid-г Scanlon алсан болон Chudnovsky/Bloodnovsky-тай гэрээ байгуулан L.A-г гэмт хэргийн ертөнц болгож байгааг ойлгодог нь киноны зангилааг тайлж өгдөг.Киноны төгсгөлд Chudnovsky-г Като алж,Scanlon-г байшингийн 15 давхараас мөргөн унагаж байгаагаар төгсдөг.

Тулаантай хэсгүүд нь зарим талаараа хэт үлгэрийн мэт санагдаж байсныг өгүүлэхгүй байхын аргагүй.Britt аавынхаа хөшөөний толгойг салгаж аван зугтаж байхад камерт бичигдсэн ч Kato бичигддэггүй,учир нь түүний хөдөлгөөн камерт бичигдэхээр гүй хурдан байсан учраас.

Kato-гийн бүтээсэн Black Beauty,Gas Gun гээд л техникийн гайхалтай бүтээлүүдийг өгүүлэхгүй байхын аргагүй.Магадгүй хэдхэн жилийн дараа бидний төсөөлж байсан дүрслэлүүд амьдрал дээр бий болохыг үгүйсгэхгүй.Хүн авьяасаа хөгжүүлж байхыг ч Kato-гийн дүрээр харуулж өгсөн.

Киноны аль ч хэсэгт хөгжилтэй явдлууд гол дүрийн хоёрт тохиолддог нь кино үзэж байгаа үзэгчдийг уйдахааргүй.Britt аливаа юманд хөнгөн хуумгай ханддаг бол Kato бүх зүйлд хянамгай хандаж бас түүний техник сэтгэлгээ нь киног улам бүр чимж байлаа."Ногоон хэдгэнэ" кино 3д-р хийгдсэн ба шилний бутарч байгаа болон,гал дүрэлзэн асч байгаа зэрэг олон хэсгүүд нь үнэхээрийн сайн болсон ба ялгарал нь үнэхээр гайхалтай харагдаж байлаа.
Киног агуулгын хувьд дүгнэвэл адал явдалт-инээдмийн кино тул хөнгөн инээд, болон сонирхолтой "тулаант" хэсэг ихтэй. Мөн гурван хэмжээст зураглал нь урьдны кинонуудыг бодвол арай илүү нь мэдрэгдэж байсан. Гэхдээ мэдээж "Resident Evil"-ийг гүйцэхгүй гэдэгтэй фанатууд санал нэгтэй байв.Ер нь энэ кино хийцийн хувьд дажгүй болсон бөгөөд, санаа нь шалихгүй мэт боловч, цааш бодвол хүн төрөлхтний мөнхөд үнэлсээр ирсэн шударга ёс, сайн сайхны төлөөх тэмцлийг харуулсан ажээ.

"Кино хүнийг бий болгодоггүй,кино хүнийг хөгжүүлдэг."
Бичсэн Хулан, Билгүүн