Resident Evil: Afterlife киноны тухай

RESIDENT EVIL: AFTERLIFE (3D)

Насны ангилал: +13
Үргэлжлэх хугацаа: 1 цаг 36 минут
Төрөл: Адал явдалт/Аймшгийн
Найруулагч: Paul W. S. Anderson
Гол дүрд: Milla Jovovich, Ali Larter, Wentworth Miller, Kim Coates, Spencer Locke,

Дистрибютер: Sony pictures releasing
Кино компани: Constantin Film, Impact Pictures
Кино бүтээсэн газар: АНУ
Өргөөгийн дэлгэцэнд: 2010.09.17

Киноны үйл явдлаас:

Resident Evil: Afterlife бол адал явдал, аймшиг хослуулж чадсан кино юм. Мөн түүнчлэн, Анхны удаа цуврал кинонуудын 3D нээлт болж байгаа юм.

Алиса хохирогчдыг сүнсгүй бие (зомби) болгон хувиргаж байгаа вирус тархсан ертөнцөөс амьд үлдэгсдийг аварч аюулгүй болгохоор аялалаа эхлэнэ. Алиса болон түүний багийнхан Umbrella Corporation-ы толгойлогч Albert Wesker-н эсрэг тулалдахаар хотод ирэхэд мянга мянган үхдэлүүдээр хот бүхэлдээ дүүрсэн эхм замбараагүй байдалаар угтана. Адал явдал цааш хэрхэн үргэлжилэхийг та Өргөө Синемад 3D орчинд мэдрэрээрэй.

Гол дүрийн жүжигчдийн товч танилцуулга:
Milla Jovovich- 1975 оны 12-р сарын 17-нд төрсөн.
Түүний уран бүтээлүүдээс: The Claim, The Million Dollar Hotel, Zoolander, Resident Evil, You Stupid Man, No Good Deed, Palermo Shooting, A Perfect Getaway, The Fourth Kind, Stone, Faces in the Crowd, Resident Evil: Apocalypse, Ultraviolet, Resident Evil: Extinction, Palermo Shooting, A Perfect Getaway, The Fourth Kind, Resident Evil: Afterlife, Faces in the Crowd

Alison Elizabeth "Ali" Larter- 1976 оны 2-р сарын 28-нд төрсөн.
Түүний уран бүтээлүүдээс:Final Destination, American Outlaws, Jay and Silent Bob Strike Back, Legally Blonde, Final Destination 2, Three Way, Confess, A Lot Like Love, Marigold, Resident Evil: Extinction, Homo Erectus, Crazy, Obsessed, Resident Evil: Afterlife

Wentworth Earl Miller III- 1972 оны 6-р сарын 2-нд төрсөн.
Түүний уран бүтээлүүдээс:The Human Stain, Underworld, Stealth, Prison Break: The Final Break, Resident Evil: Afterlife, Prison Break: The Conspiracy, The Mourning Portrait, Without a Trace, Spanglish, Phil of the Future, Monster House (film), That's So Raven, Resident Evil: Extinction, Big Time Rush, The Vampire Diaries, Resident Evil: Afterlife

Shawn Roberts- 1982 оны 4-р сарын 2-нд төрсөн.
Түүний уран бүтээлүүдээс: X-Men, The Growing Pains Movie, Get Over It, Chasing Holden, We Were the Mulvaneys, Fallen Angel, Detention, Ghost Cat, Word of Honor, Thralls, A Home at the End of the World, Taking Lives, Siblings, Zeyda and the Hitman,Going the Distance, Stone Cold, Land of the Dead, Cheaper by the Dozen 2, Left for Dead, Diary of the Dead, Betrayals, Black Rain, Edge of Darkness, Resident Evil: Afterlife.

3D систем буюу MASTERIMAGE 3D

MASTERIMAGE 3D систем нь орчин үеийн 3D технологийн тэргүүний шийдэл болохыг цаг хугацаа өнгөрөх тусам батлан харуулж байна. 3D системийн тусламжтайгаар хэрэглэгчидэд дүрслэлийг бодит юм шиг үзүүлэх боломжыг кино театрт ашиглаад зогсохгүй бүх төрлийн LCD дэлгэц, гар утас, зарим салбар шинжлэх ухаануудын үндсэн хэрэглээ болоод байна.
MASTERIMAGE 3D системийн тусламжтайгаар дэлхий нийтэд нийт 2033 кино театрт 3D киног үзэгчидэд хүргэж байна.
Үүнд:
- Африк 38
- Европ 893
- Азиа 620
- Австрали 25
- Хойд Америка 457
Тус технологийн давуу тал нь хамгийн тод, хурц 3D стереоскоп дүрслэлийг үзэгчидэд мэдрүүлж чаддагаас гадна хэрэглээнд хамгийн тохиромжтой, өртөг багатай 3D нүдний шилний шийдэлийг санал болгодог билээ.
Кино театрийн MASTERIMAGE 3D систем нь хамгийн сүүлийн үеийн Холливудын кинонуудыг театруудад гаргахад өргөнөөр ашиглагдаж байна. Мөн Япон улсын “Hitachi” компанитай хамтран анхны 3D гар утасны “Hitachi’s Wooo H001” загварыг хэрэглээнд нэвтрүүлээд байна.
Кино урлагт өнгөгүй буюу хар цагаан дүрслэлээс өнгөт кино зураглал гарсан үеийг тус салбарын түүхэнд тод тэмдэглэгдэн үлдсэн хувьсгал байсан шиг 3D системийн тусламжтайгаар киног үзэх нь орчин цаг үед бий болоод байгаа 2 дахь их хувьсгал болохыг зарлаад байгаа энэ цаг үетэй зэрэгцэн Өргөө Синема 3D системийг нэвтрүүлээд байна.

3D нүдний шил
MASTERIMAGE 3D системийн хөнгөн, дахин ашиглагдах боломжтой нүдний шилний тусламжтайгаар 3D дүрслэлийг хамгийн тод, хурц харагдуулдаг. Өндөр стандартаар бүтээгдсэн тус шилийг харааны шилтэй болон шилгүй ямар ч хүн зүүж удаан хугацаагаар кино үзэхэд тохиромжтой байдлыг бодолцож бүтээсэн байна.
MI-G100 загвар
Тус шил зөвхөн MASTERIMAGE 3D системтэй зохицон ажиллахад зориулагдсан бөгөөд нэг удаагийн зориулалтаар ашиглагдах боловч цэвэрлэгээ хийгдсэний дараа дахин хэрэглээнд оруулах боломжтой. Шилний хүрээ нь дахин боловсруулагдсан ABS пластикаар хийгдсэн.

"Step Up 3" movie review by Khulan Jugder

Амьдралд уйдах зав үгүй
Кино урлагийн түүхийг сөхвөл 1895 онд Люмерийн ах дүүс Парисын нэгэн кафед “Уурхайчдын ажил тарлаа” гэсэн цуврал зураг бүхий дүрс үзүүлж байв. Энэ цагаас кино урлагийн цагаан толгойг эхлүүлж, хүн төрөлхтний сэтгэл зүрхэнд хоногшиж, оюун санааг хөглөх олон гайхалтай дэлгэцийн бүтээл бий болжээ. Миний бодлоор киноны үйл явдал ижил төсөөтэй, эгэлгүй ганц гээд янз бүр байх ч түүнээс үзэгчид хандан өгч буй санаа нь хамгийн чухал. Нэг удаа үзээд ойлгох кино байхад, үзэх бүрийд амьдралын өөр, өөр дүр зураг, үнэн мөнийг өгүүлэх бүтээл ч бий.

Тэгвэл энэ бүхэнд шимтэгч, кино урлагт дурлагч зуу, зуун залуутай хамт үзсэн “Step Up 3D” киноны тухай өөрийн бодлыг бичихийг хүслээ. Найруулагч Жон Чугийн эл бүтээл imdb-гээс өндөр үнэлгээ аваагүй ч, нээлтээ хийсэн даруй үзэгчдийг кино театрт урин дуудсан.

Киноны үйл явдал бүжгийн тулаан, хайр сэтгэл, сонирхол, хэвшмэл амьдралын аль нь вэ гэх сонголт, найз нөхөд дурлалт хосын харилцаанд үүсэх үл ойлголцол гээд бусад энэ төрлийн кинотой адил.

Харин киногоор бидэнд өгөх гэсэн гол санаа Люкийн хэлсэн “Born To Dance” гэсэн үгээр илэрч байна гэж бодлоо. Тэрбээр Мүүст “Зарим хүн амьдралын явцад бүжиглэж сурдаг бол, чи бүжиглэхийн төлөө төрсөн” гэж хэлдэг. Үүгээр хүн авъяас, сонирхлоо хөгжүүлж чадвал тэр чиний амьдралын зорилго болно, түүнээс хэзээ ч бүүр ухар гэсэн санааг гаргажээ. Мөн энэ киног үзсэн ямар ч залуу хүн үлбэгэр, дорой байдлаас зайлсхийж, дуртай зүйлдээ цаг гарган, түүнээсээ эрч хүч авч, эргэн тойрондоо түүнээ түгээх хүсэл дүүрэн болно гэдэгт итгэлтэй байна.

Бүжигтэй кинонд сэтгэл хөдлөлөө хөгжмийн хэмнэлд уран сайхнаар дүрслэн үзүүлэх нь нэн чухал. “Step Up 3D”-гийн бүжиг дэглэлт нь тун ч сонирхолтой. Тэр дундаа робот хөдөлгөөнтэй хэсэг, Самурай, Далайн дээрэмчдийн тулаантай хэсэг нь гайхалтай. Мөн кино театрт, хөгжмийн чихэнд наалдацтай дуугаралтыг мэдэрсэн хэн бүхэн тохитой, томоотой сууж тэсэхээргүй юм билээ.

Жүжигчдийн хувьд гол дүр Мүүсийн дүрийг бүтээсэн Адам Севанийн аав нь мэргэжлийн бүжиг дэглээч бөгөөд Адам багаасаа бүжигчин байжээ. Уилл Смит, Ти-Пейн гээд олон алдартай дуучдын клипэнд бүжиглэж байсан тэрбээр “Step Up 2” кинонд тоглосноор дэлгэцийн бүтээлд хүч үзэх болж. Рик Маламбри буюу Люк загвар өмсөгч, “Abercombie and Fitch” брэндийн нүүр царай байжээ. Харин кино урлагт хөл тавиад удаагүй байгаа нэгэн. Наталигийн дүрд тоглосон Австралийн жүжигчин Шарни Винсон телевизийн цувралд тоглож, “Step Up” кинонд тоглосноор уран сайхны кинонд тоглож эхэлж байгаа.

Кино эхлэхэд Мүүс, Люкийн Nike Dunks пүүзийг хараад дагаж явснаар үйл явдал өрнөдөг. Миний бодлоор Nike брэнд киноны багтай хамтран ажилласнаар “Product Placement” буюу мэргэжлийн хэллэгээр бол “Кино реклам” байршуулсан нь амжилттай болсон байх. Одоо бүжиглэх дуртай, бүжиг сонирхдог хэн бүхний имижийг Nike Dunks бүрдүүлж чадна. Сонирхуулахад, кино рекламыг туршиж үзэх эхний оролдлогоор нэг цагийн гучин минутын кинонд Кока Кола ундааг тодорхой давтамжтайгаар гаргаж байжээ. Кино дуусмагц үзэгчид танхимаас гарч ирээд тавиурт байсан Коларуу “дайрч” байсан гэдэг.

Төгсгөлд нь хэлэхэд бид юуны төлөө төрсөн бэ? Байгаль эх бидэнд ямар авъяас хайрлаж вэ? гэдгийг олж, өөрийгөө таних нь хамгаас чухал. Чаддаг, дуртай зүйлээ хийвэл амьдрал бидэнд уйдах зав олгохгүй нь лавтай.

Кино тойм, шүүмж бичих талаар (зөвлөгөө)

Сайн байцгаана уу.

Хүн болгон л үзсэн киноныхоо талаар чөлөөтэй санасан бодсоноо бичих нь зүйн хэрэг юу ч бичсэн болно доо. Гэхдээ кино шүүмж тал руу гаа гэвэл бас арай цэгцтэй дэс дараатай бичвэл дээр байх гэж үзэж байна. Мөн бичих гэж буй киногоо үзэхээс гадна давхар жүжигчид, кино баг гэх мэт зүйлсүүдийг тодорхой хэмжээгээр судалбал сайн хэрэг. Саяхан зарласан Кино шүүмжийн уралдаанд ирүүлсэн хүмүүсийн review харлаа. Үүнээс үүдэн Кино шүүмж бичих талаар өөрийн зарим бодлоо хуваалцая. 

Ерөнхийдөө Review/кино тойм/ ба Critic/кино шүүмж/ гэсэн ойлголт байх бөгөөд эдгээрийг холихгүй бичвэл зүгээр. Аль болох сонирхолтой талаас нь бичих гээд үз.

Эхлээд Review/кино тойм/ -д ерөнхий утга санааг агуулгыг нь товчхон дурдаж кино зохиол болон ямар баг бүрэлдэхүүн оролцсон тухай, мөн үзүүштэй хэсгүүд болон өөрт таалагдсан кадраа бичвэл зүгээр.

Critic/кино шүүмж/ дотроо харин эсрэгээр нь таалагдаагүй хэсгүүд болон ажигласан алдаа мадаг цаашлаад киноны зураг авалт, дуу оруулалт, жүжигчид найруулга зэрэг талаар өөрийн дүгнэлтээ бичнэ.

За тэгээд энэ талаар илүү судлая гэвэл Англи хэл дээр интернетээс бодитоор барууны болон зүүний  шүүмжлэгч нарын бичсэнийг уншаад бай. Харин Hantulga.com ийн Монгол кино шүүмж хэсгээс та харин хангалттай жишээ унш ч болно. Амжилт хүсье.

Бичсэн: Эрдэнэбаатар (Монголын кино фанатууд группын дэргэдэх "Кино шүүмж" багын ахлагч)

"Step up 3" - Review, Critic by Erdenebaatar

Энэхүү цуврал киноны талаар өөрийн бодлоо бичье.

Америкт төрж өссөн хятад гаралтай цэл залуухан Jon Chu найруулагч маань Step up цуврал дээр 2-р дугаар ангиас нь хойш ажиллаж байгаа бөгөөд энэ анги дээр 3D технологи ашигласан нь олны талархлыг хүртэж байна. Харин одоо бол  Justin Bieber ийн тухай хийгдэж байгаа кино дээр ажлаад завгүй сурагтай.

Киноны зохиолын хувьд бол бусад бүжигтэй кино  дээр гардаг шиг нийтлэг байв.
Далайн дээрэмчин, Самурай гэх Нью –Йорк хотын 2 том бүжгийн бүлгэм хоорондоо тэмцэлдэнэ, Эсрэг талын Самурай бүлгэмийн ахлагч охин дүүгээ Далайн дээрэмчин бүлгэмд тэдний бүжгийн хөдөлгөөнүүдийг тагнуулж дэлхийн аваргын тэмцээн түрүүлэх санаатай оруулах боловч түүний дүү зорилгоо умартан Далайн дээрэмчин бүлгэмийн ахлагчтай хайр сэтгэлтэй болж цаашид ээдрээтэй асуудлууд үргэлжлэнэ. 

Киноны нэгэн кадр дээр skateboard унан давхих залуус гудамжинд ил зарж байгаа өрөөстэй номууд дээр очин авч байгаа хэсэг бол их таалагдсан учир нь гаднаас нь хархад хэзээ ч ном уншихгүй байхдаа гэсэн байдалтай харагдах залуус интернет даяарчлагдсан энэ үед ном барин авч байгаа нь бусад орны үзэгч залууст бид ч гэсэн ном уншдаг юм шүү хэмээн хэлж буй мэт санагдсан.

Мөн Нью-Йорк хотын залуусын өдөр тутмын чөлөөт хувцаслалтыг хэрхэн хослуулж донжтой өмссөн байхыг эндээс тод томруун харж болохоор байв.

Харин тэр гэрлэн диод он хувцастай бүжиглэдэг хэсэг дажгүй харагдаж байсан усан дээр бүжиглэдэг хэсэг бол өмнөх ангийн гадаа бороонд бүжиглэдэгтэй адил санаа гишгэх тоолондоо ус үсчүүлээд л харин 3D гээр үзэхэд ч өөр хэрэг л дээ. Мөн Та бүжиглэж чадах уу тв шоунд оролцож байсан бүжигчдээс ч харагдаж байлаа.

Киноны Мoose, Camille хоёр эвлэрч байгаа хэсэг дээр хуучны 70-80оны, дээр үеийн дуун дээр бүжиглэдэг нь өвөрмөц бөгөөд Кард шилжихгүй дан зураглаачийн шийдлээр нэг дүрсээр салахгүй дагаж хийдэг музыклын өнгө аястай мэт оруулж өгсөн нь хэмнэл ихтэй кино н дунд бас хөөрхөн л юм билээ.

Киноны саундтрэкүүд бол хангалттай байлаа гэхээр байна. Цомог нь л гэхэд 36 траск. Flo Rida, David Guetta нарын хамтран дуулсан Club Can't Handle Me дуу нь тун дажгүй болсон нэлээд сонс ч байна. Харин нэг зүйл нь саяхан 5 сард нээлтээ хийсэн Англичууд буюу BBC гийн бүтээсэн Street dance хэмээх кино н дээр явдаг Madcon ны Beggin дуу Step up дээр ч бас явж байв. Street dance бол европ Step up бол америк хэв маягийг харуулсан гэсэн кинонууд байх гэж бодном.

Жүжигчдийн хувьд бол боломжийн санагдсан Бразил хоёр ихэр бүжигчид бол киноны хөгжилтэй инээдтэй хэсгүүдийг илэрхийлж байсан нь бас нэгэн чимэг болж байлаа.

Luke ийн дүрд тоглодог Rick Malambri бол чамгүй хэдэн кинонд тоглосон анх загвар өмсөгч байсан төдийгүй бидний өдөр тутамдаа өмсдөг Abercrombie брендийн сурталчилгааны зурагт орж байжээ.

Sharni Vinson буюу Natalie гийн дүрд тоглодог бүсгүй маань Сиднейд төрсөн бөгөөд миний мэдэхээр дэлгэцийн бүтээлээсээ илүүтэй тв цувралд нэлээн тоглодог юм  шигээ.

Бидний танил Adam G. Sevani буюу энэ жил насанд хүрч байгаа Буржгар үст Moose маань 2-р анги дээрхээ бодвол том болжээ хэхэ.

Moose ийн найз охин Camille ийн дүрийг бүтээдэг Alyson Stoner энэ жил 17 той ч Голливудад нэлээд алдартай нэгэн. Kung Fu Magoo хүүхэлдэйн д дуу оруулсан юм билээ.

Step up 3 дээр нэг авууштай санагдсан нь 2 ч хүн хос мэргэжилтэй болж байна. Жишээ нь Moose цахилгааны инженерээр сурж байгаа мөртлөө давхар бүжигчин гэх мэргэжилтэй болмоор байна гэж сургуулийнхаа захирал дээр орно бас Luke бүжигчин мөртлөө Калифорни кино академид элсэж байгаа нь хүн заавал нэг ажил хийх албагүй давхар давхар сонирхлоо гээлгүй авч явахыг харуулсан мэт.

Зарим нэг жижиг алдаа мадаг мэт харагдсан зүйлс гэвэл. Хамтлаг нь бүжгээр тулалдах гээд байхад Moose ийн маш чухал шалгалт нь яг давхцаж таардаг кинон дээр шалгалт эхэлж байдаг бөгөөд мань эр ч бүжгийн тулаан дээрээ ам мөлтөс ирж амждаг тэгээд эцэст нь тэр шалгалт яасан нь учир бүтээлэг үлдсэн өгсийм үү эсвэл хаяад гараад ирсэн юм болов уу бүү мэд. Бас Нью-Йоркийн их сургуулиас Хятад хорооллын хороонд дугуйгаар тийм хурдан ирчихдэг. Мөн Luke Natalie хоёр зураг авдаг жижиг бүхээгт анх таардаг тэнд 3 удаа гэрэл анивчдаг тэр гэрэл анивчих тоолонд тэд эгц өөд өөдөөсөө харсан байдаг тэндээс гүйн гарахдаа гарсан зургаа авалгүй орхиод явдаг. /за дараа нь очиод авсан гэж бодий/ Luke тэй муудсаны дараагаар Natalie гэнэт тэр зургийг бариад харж сууна. 4-5 хэсэг зураг авахуулсан бүр хажуу тийшээ харснаар 2 ч зураг байх шиг. Уул нь кинон дээр 3 удаал авахуулсан даа. Мөн Luke Natalie-г дагуулан агааржуулалтын аварга том сэнсний хажууд ирэхэд нь Luke ирлээ гэсэн шиг яг дээр нь гарангуут шууд ажиллах жишээний. Энэ кинон дээр HP брендийг бас сурталчлаад амжваа. Luke ийн хэрэглэдэг бүхэл компьютер нь Desktop, laptop ч бай  ‘HP’.

Эцэст нь киноны туслах дүрийн нэг залуугийн ярилцлагыг сонсож байнх нээ:
Бид энэхүү киногоороо залууст нэгэн мессежийг хүргэхийг зорьсон тэр юу бэ гэхээр Зорьсон зорилгоо хаялгүй тууштай тэмцэж амжилттанд хүрэх гэж байсан санагдана. Энэ кино бол үнэхээр дээрх залуугийн хэлсэнчлэн залууст бас нэгэн мессеж болж чадахаар кино байлаа.

“Step Up” Review by Orgil Кira (Тойм шүүмж)

Юуны өмнө энэхүү гайхалтай киног Монголын кино сонирхогч мянга мянган хүүхэд залууст хүргэж буй “Өргөө” кино театр болон “Mongolian Movie Fanatics” группийн хамт олонд баярласан талархсанаа илэрхийлье. Миний бие кино сонирхогч, бусадтай адил жирийн нэгэн. Хүмүүсийн бичсэн бүх шүүмж, тоймыг уншиж үзлээ. “Солт”, “Персийн хунтайж”, “Eclipse” киноны тухай бичсэн байсан тул тэнцвэрт байдлыг хадгалах, мөн өөрийн сонирхлын үүднээс энэ удаад “Step Up” киноны тухай бичихээр шийдлээ.

“Step Up” киног эхнээс нь авхуулаад бүх ангийг нь үзсэн. Юм бүхэн эхлэхэд анхны алхам хийдгийн адилаар “Step Up” –н анхны алхамыг 2006 онд Channing Tatum даруухан эхэлдэг бол, 2008 онд гарсан хоёрдугаар ангид “ХАМТЛАГ”, “ГУДАМЖНЫ БҮЖИГ” гэсэн ойлголт илүү мэдрэгдэхийн зэрэгцээ бүжгийн тулаант киноны томоохон төлөөлөгч болсон гэдгээ олонд харуулж чадсан билээ. Тухайн үеийн хүүхэд залуусыг байлдан дагуулж байсан “Jabbawockeez” бүжгийн хамтлаг кинонд тоглосон нь киноны нэр хүндийг нь улам өргөж байлаа. Харин тэдний бүжиглэдэг хэсгийг хожим киноноос хассан юм. 3D технологи хүчээ авсан энэ үед киноны хамт олон цаг үеэсээ хоцрохыг хүссэнгүй. Гуравдугаар ангиа 3D технологиор чимлээ. Хэдийгээр би 3D-р үзээгүй ч гэлээ ойрын үед кино үзээд тэгэж их сэтгэл минь хөдлөж байсанг санахгүй байна. Үнэхээр хүний сэтгэл зүрхэнд хүрсэн гайхалтай бүтээл болж чаджээ.

Step Up-ийн хамгийн томоохон өрсөлдөгч кино бол “Stomp the Yard”. 2007 онд дэлгэцнээ гарсан. Тухайн үедээ бас л залуусыг доргиож явсан кино. Туслах дүрд R&B дуучин Chris Brown тоглосон нь залуусыг татах нэгэн арга байлаа. Харин Stomp the Yard 2: Homecoming 2010 онд гарсан ч ёстой л нөгөө чигчий хурууны чилээ гаргахгүй гэдэг шиг “Step Up 3D” –д ямар ч нөлөө үзүүлж чадаагүй юм. Иймээс “Stomp the Yard” болон “Step Up” ийг харьцуулах нь утгагүй хэрэг болж ирлээ... За гол зүйлээ бичье.

ЮУНЫ ТУХАЙ ӨГҮҮЛЭХ ВЭ: Люк хэсэг залуусаас камераа барин ярилцлага авч буйгаар кино эхэлнэ. Асуусан асуулт нь "Бүжиг ба таны амьдрал".
Тэд: "Бүжиг миний амьдралыг аварсан", "Би бүжиглэж байхдаа л өөрийгөө хэн нэгэн гэдгийг мэдэрдэг", "Надад эрх чөлөөг олгодог ганц зүйл бол бүжиг юм" гэцгээнэ. Люк-д бүжиглэхээс гадна кино бүтээх авьяас чадвар бий. Өмнөх ангид туслах дүр бүтээж байсан ч энэ ангийн гол дүрүүдийн нэг болж чадсан хүн бол Мүүс юм. Тэрээр Нью-Йорк-ийн их сургуульд инженерийн чиглэлээр суралцахаар ирэх боловч өөрийн ганц хийх дуртай зүйлээ орхиж үл чадна. Энэ бол бүжиглэх... Түүнийг эцэг эх нь "Савсаганахаа больж, бодит амьдралд эргэн ор" гэж хэлдэг. Ээж аавын үг ч үнэний ортой. Дан ганц бүжиглээд хоолоо олж идэхгүй гэдгийг кинонд далдуур хэлж байгаа...Яг л манай дүү "би дотачин болно гэж ярьдаг шиг..."

Жишээ нь: Люк бүжиглэхгүй ч киногоо хийгээд явж болно. Харин Мүүс инженер болоод хаа нэгтээ ажиллана. Гэхдээ энэ бүхэн бүжиггүйгээр хэзээ ч болохгүй байсан байж болно л доо. За за утгагүй зүйл биччихлээ, уучлаарай. Энэ чинь бүжгийн кино шүү дээ. Эргээд сэдэвтээ орье............................

"Prince of Persia: The Sands of Time" Review by Mazaalai Man (Тойм шүүмж)

За хө хүмүүсийн үнэн тасархай гээд байгаа киноны талаар хэдэн үг. Яах аргагүй үнэндээ “үнэн тасархай” кино болсон байна лээ. Үйл явдал, дүрийн сонголт, хийцлэл гээд л хэлэх үггүй “төгс”. “Хөөрхий! баян айлын тарган жаал” гэдэг шиг Диснейн суурь бааз, боломж зэрэг дээр яггүй таанз эргэсэн нь хувцаслалт, эдлэл хэрэглэл гэх зүйл дээрээ яах аргагүй нүд булаам байх нь байсан.

Диснэйд бол мөнгө ашиг орлого л хэрэгтэй. Тэртээ тэргүй нэр хүндтэй учир баттай ашиг орлого олж чадах зүйлд л хамтран ажиллана. Тийм ч утгаараа хүүхэд, “залуусын” дунд хит болчихсон, дуртай тоглоомыг нь дэлгэцийн бүтээл болговол гарцаагүй багагүй хэмжээний ашиг олно гэж тооцоолон Диснэй “Жэрри Бакхэймэр”-ийн хану хампаанд санал тавьсан хэрэг. Тэгээд л хану 2008 оноос хойш хийгдсээрээн байгаад бидэнд энэ онд хүрч. Тооцоолж байсан шигээ ашигаа хангалттай олсон. Видео тоглоомноос дэлгэцийн бүтээл болсон канунууд дотроо 330 сая долларын ашиг олсоноороо дээд амжилт тогтоосон. “Томб Рэйдэр” (274 сая), “Покемон” (163 сая) зэргийг ардаа орхисон. “Персийн хунтайж” киноны бүтсэн өртөг нь 160 сая доллар.

Хүүхэд, залуусын дунд эрэлттэй, сонирхолтой тоглоом байсан гэдэг утгаараа кино маань ашиг орлогынхоо хувьд амжилт гаргаж чадсан. Бусдаараан бол энэ мэтийн “алиа” кану бишгүй л. Кино бүтээл, урлаг талаасаа давсгүй хоол л гэсэн үг. Гэхдээ кино зохиол, үйл явдал зэргийг нь ярихаасаа урьтаад хэнд зориулагдаж бүтээгдсэн бэ гэдэг нь чухал. Зарим нэг хэсгийн дүгнэж буйгаар хэтэрхий мэргэжлийн зүгээс үнэлгээ өгөн шал дэмий хану, нөгөө хэсэг нь “тоглоом нь уул нь гоё, кино нь арай л сэтгэлд хүрсэнгүй” гэх мэт бодолтой байхад бас нөгөө нэг хэсэг нь бүрч эсрэгээрээ хага баярлаж байгаа. Яагаад? Яагаад? Яагаад? Ийм олон янзын үнэлгээ гараад байна аа. Тоглоом нь гоё байсанаа кино нь яагаад сэтгэлд нь хүрдэггүй билээ? Бүхэл бүтэн цаг хэдэн минутын “трэйлэр” хийчихээд байхад. Учир нь бидний мэдэх Мортал Комбат өөр юу юу ч билээдээ мундаг тоглоомууд байх л. Мортал комбатын кино нь гараад хөх инээд хүргэх шиг л болсон. Бидний тоглохдоо хийдэг комбо ховорхон, дээрээс нь бас бус шалдар булдар элдэв яриа ихтэй, тэрний оронд байнга л зододоод байсан болч... За тэгээд үүн шиг жишээ зөндөө. Тоглоом? Тоглоом? гэдэгтээ л учир нь байгаа. Мөн яагаад заавал “Диснэй” үүнийг сонгож дэлгэцийн бүтээл болгосон бэ гээд л бод. Бидний хүсээд байгаа мэргэжлийн, насанд хүрэгчдэд зориулагдсан сэдэв биш “хүүхэд, өсвөр насныхан болон гэймэр залууст” зориулж хийсэн. Учир нь Диснэй үүнийг хийхээсээ өмнө ямар ашиг олох, хийчлээ гэхэд энэ киноны төлөө эдгээр хүмүүс халааснаасаа мөнгө гаргах уу? Гаргалаа гэхэд хэр олон хүн үзэх? гээд бүх зүйлийг судалчихсан, нарийн ажиллагаагаа эхлээд тооцчихсон учир тэр. Бүх насныханд биш ердөө л энэ хэсэг бүлэгт л зориулж хийсэн гэсэн нэг дүгнэлтэнд хүрчие. Зарим гэймэрүүдэд таалагдахгүй байгаа гол шалтгаан нь өөрсдөө тухайн тоглоомоо тоглохдоо өөрийн хүссэн байдлаар удирдаж тоглоод байсан чинь кинон дээрээ нөгөө гол дүр нь олигтой, зодож нүдээд, үсэрч дүүлээд өөрсдийнх нь хүсээд байсан шиг ажиллаж, яг тоглоомон дээрээ байдаг шиг дураараа аашилж чадаагүйд гол нь бий......